ЖЫЛ ТАҢДАУЫ – 2018
Облыстық білім және ғылым қызметкерлері кәсіподақ комитетінің ұйымдастыруымен жылды қорытындылау мақсатында «ЖЫЛ ТАҢДАУЫ – 2018» мерекелік шарасы 25 желтоқсанда өтті.
Облыстық мәслихат хатшысы Байқадамов Наурызбай Сейтқалиұлы Қазақстан Республикасының Білім және ғылым министрлігінің «Еңбек ардагері» медалімен сала қызметкерлерінің жанашыры Қармақшы аудандық кәсіподақ комитетінің төрайымы Молдабаева Жұлдызай Кетебайқызын марапаттады.
2017-2018 оқу жылының қорытындысы бойынша, педагогикалық тәжірибені тарату, білім беруге ынталандыру, мұғалімдердің кәсіби жетістіктерін жетілдіру мақсатында ұйымдастырылып отырған «Жыл таңдауы - 2018» мерекелік шарасының шеңберінде облыстың марапатқа ылайық бірқатар білім ордалары «Ынтымағы жарасқан ұжым», «Білімнің бесігін тербеткен», «Тылсымның сырын таныған», «Жаңашыл ойлар жаршысы» номинациясымен марапатталды.
Білім және ғылым қызметкерлері кәсіптік одағының Қызылорда облыстық ұйымының төрайымы Байназарова Райкүл Мансурқызы кәсіподақ белсенділерін «Білім және ғылым қызметкерлерінің кәсіподағына сіңірген еңбегі үшін» төсбелгісімен, Қазақстан Республикасы кәсіподақтар Федерациясның Алғыс Хатымен, Қазақстандық салалық білім және ғылым қызметкерлерінің кәсіптік одағы қоғамдық бірлестігінің Құрмет Грамотасымен марапаттады. Сонымен қатар, ұстаз бен оның мәртебесін арттыру, сондай- ақ білім саласында болып жатқан процесстер туралы жағымды қоғамдық пікірді одан әрі қалыптастыру бағытында жұмыс жасаған журналисттер де «Ұстаз жанашыры» номинациясына ие болды. Облыстық білім басқармасы басшысының орынбасары Қасымова Ақзира Бақтыбайқызы «Мәртебелі ұстаз», «Өсиетті өнеге», «Шеберлік шыңына шыққандар», «Шәкіртті шебер шыңдаған», «Бәйгеге дүлдүл баптаған», «Дарынға даналық танытқан», «Жалындаған жас дарын» номинацияларымен бір топ ұстаздар марапатталды. Өтіп бара жатқан жыл білім саласы үшін де шын мәнінде бірлік пен берекенің, жаңа жетістіктер мен мүмкіндіктердің, халық қалаған серпінді жобалардың орындалуымен аса құнды жыл болды.
Облыстық кәсіподақ ұйымы
-
Фото
-
