Аумақтық ұйымдардың жаңалықтары

Қызылорда облыстық білім және ғылым қызметкерлері кәсіподағының ұйымдастыруымен 2018 жылдың 13 желтоқсанында Қазалы ауданында Қазақстан Республикасының Тәуелсіздік күніне арналған «Тәуелсіз елдің тірегі- жас ұстаздар» атты облыстық жастар форумы өткізілді. Бұл форумға Қызылорда облыстық кәсіподақ комитетінің төрайымы Байназарова Райкүл Мансұрқызы, Қазалы аудан әкімінің орынбасары Әлімжан Жарылқағанов, Қазалы аудандық білім бөлімінің басшысы Бектұр Қали, сонымен бірге облыстың жас ұстаздары, облыстық кәсіподақ комитетінің жастар кеңесінің мүшелері қатысып өз ойларын ортаға салды.

Форумға қатысушылар Орталық Азияжастарықозғалысыныңкөсемі, күллі Шығысжастарыныңқамқоршысы Ғани Мұратбаевтың мұражайын аралаудан бастады . Форум жұмысы Ы. Алтынсарин атындағы № 204 мектепте жалғасты. Жас ұстаздар Қазалы аудандық кәсіподақ комитетінің «Серпін» жастар кеңесінің атқарған жұмыстарынан жасалған фотогаларея мен «ZHAS PROJECT» - жастарға жаңа мүмкіндік жобасымен жұмыс жасап жатқан жас ұстаздардың көрмесімен танысты. Алғы сөзді Қазалы аудандық «Серпін» жастар кеңесінің төрағасы Нұрмаханов Талант Тоқтасынұлы жастар кеңесінің атқарған жұмыстарының есебін беруден бастап, Елбасы жолдауларындағы жастарға қатысты жобалар мен бастамаларды ескеріп, қандай мақсатқа болса дайын болу керектігін, жастарға сеніммен жаңа мүмкіндіктер беріп отырғанын баса айтып өз сөзін қорытындылады. Одан әрі «Жас Отан» жастар қанаты Қазылорда облыстық филиалының төрағасы Тлесов Талғат Елбасымыз Н. Ә. Назарбаевтың ұлттың рухани санасына жаңа серпіліс берген, төл тарихымызды бір жүйеге келтіруге үндейтін, жалпақ жұртқа түсінетін тарихи-мәдени дүниеге айналдыру жайын қозғайтын «Ұлы даланың 7 қыры» атты жаңа жолдауын іске асырудағы атқарылатын істерге тоқталды. Одан әрі Қорқыт Ата атындағы ҚМУ Құзіреттілікті дамыту және жұмыспен қамту бөлімінің бастығы Жарболова Сауле Тұрарқызы «Мұғалімнің кәсіби табыстылығы- жалпыхалықтық жетістік » тақырыбында баяндама жасап, «Болашақ – білімді жастар қолында» Республикалық жас ұстаздар форумының делегаты Қаратайұлы Шакизат өз ойын ортаға салды. Байназарова Райкүл Мансұрқызы қорытынды сөзінде елімізде қабылданған мемлекеттік бағдарламалар мен жолдаулар аясында жыл сайын аймақта мемлекеттік жастар саясатын жүзеге асыру бағытында біршама қарқынды жұмыстар жүйелі түрде жүзеге асырылып келеді. Жастар – еліміздің ертеңі, келешегіміздің негізі. Жастарды жан-жақты қолдау, жағдайын жақсарту бағытында елімізде тың жобалар жүзеге асуда. Сондықтан жастармен жүргізіліп жатқан жұмыстардың алғашқы бастамаларының жақсы екендігін айтып, бүгінгі форумда өз белсенділік танытқан жастарды марапаттады. Форум соңында үндеу қабылданып, естелік суретке түсумен жалғасты.

Облыстық кәсіподақ комитеті