"Тарихы терең мектебім" атты мерейтой өткізілді
Ақтөбе облысы Шалқар ауданында 8 қараша күні "Сары Батақұлы атындағы Шалқар аудандық мәдениет үйі" МКҚК-да өлкедегі дарынды шәкірттер мен білікті ұстаздардың басын қосқан мерейі асқақ білім ордасы - Кеңес Одағының Батыры Ідіріс Үргенішбаев атындағы ЖОББМ-нің 60 жылдығына орай "Тарихы терең мектебім" атты мерейтой өткізілді. Мерейтойға аудан әкімінің орынбасары, ардагер ұстаздар, мектеп директорлары, мектеп түлектері және шақырылған қонақтар қатысып, жылы лебіздерін білдірді. Сонымен қатар, шақырылған барлық қонақтарға мектеп ұжымы атынан "Естен кетпес естеліктер" атты І.Үргенішбаев атындағы ЖОББМ-нің 60 жылдық тарихы баяндалған Г.Аймаханова мен Ш.Мұқанованың естелік кітаптарын сыйға тартты.Білім бөлімінің бас маманы Л.Мурсалова Құттықтау хат және бағалы сыйлық табыс етсе, аудандық кәсіподақ ұйымының төрайымы Г.Махат 11 ұстазға облыстық және 10 ұстазға аудандық кәсіподақ ұйымдарының Құрмет грамотасы мен қаржылай сыйақы табыстады. Сонымен бірге облыстық кәсіподақ ұйымы тарапынан ұзақ жылдар бойы сапалы білім мен өнегелі тәрбие беріп жүрген ұстаз, оқушылары облыстық және республикалық деңгейде жоғары жетістіктерге жетіп жүрген, құқық және тарих пәні мұғалімі А.Лепесбаеваға көктемгі демалыс кезінде шипажайға жолдама табысталды.
«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ
