АТЫРАУ «ӨРЛЕУІ» - 70
«Өрлеу» біліктілікті арттыру ұлттық орталығы» АҚ филиалы Атырау облысы бойынша педагогикалық қызметкерлердің біліктілігін арттыру институты облыстық біліктілік арттыру институтының 70 жылдық мерейтойына арналған «Біліктілікті арттыру – кәсібилікке шыңдайды» атты салтанатты жиын өткізді.
Салтанатты шараға «Атырау облысы әкімінің орынбасары, педагогика ғылымдарының докторы, профессор Н.С. Сайлауова, «Өрлеу» біліктілікті арттыру ұлттық орталығының өкілі, Алматы облысы бойынша ПҚБА инстиутының директоры, педагогика ғылымдарының докторы, профессор С.М. Кеңесбаев, «Нұр Отан облыстық партиясы» Атырау облыстық филиалы төрағасының орынбасары Б.Қ. Қарабаев, облыс әкімдігінің басқарма басшылары, аудан әкімі орынбасарлары, жоғары оқу орындарының басшылары, бұрынғы білім беру басқармасының басшылары, біліктілікті арттыру институтының бұрынғы басшылары, Қазақстандық салалық білім және ғылым қызметкерлері кәсіптік одағының Атырау облыстық ұйымы қоғамдық бірлестігі төрағасы және қалалық, аудандық білім бөлімі басшылары, облыстың ұстаздары, мектеп және балабақша директорлары, институттың ардагерлері және оқушылар барлығы 300 адам қатысты.
Аталмыш шараның жоғарғы дәрежеде өтуіне атсалысқан және демеушілік көрсеткен «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ төрағасы, тарих ғылымдарының кандидаты Қ.Сүндетұлы құттықтау сөз сөйлеп, бір топ ұстаздарға және мерекеге арналып өткізілген конкурс жүлдегерлеріне ұйымының Алғыс хаттары мен бағалы сыйлықтарын табыс етті.
