КӘСІПОДАҚТЫҚТАР ФОРУМЫ
Қазақстандық салалық білім және ғылым қызметкерлері кәсіподағының ұйымдастыруымен Астана қаласында 22-23 қараша күндері 1 желтоқсан - Тұңғыш Президент күніне арналған "Болашақ - білімді жастар қолында" атты VI Республикалық жастар форумы өткен болатын.
Шараның пленарлық жиынына Қазақстандық салалық білім және ғылым қызметкерлері кәсіподағының төрайымы Амантаева Майра Тұрғанқызы, ҚР Білім және ғылым вице-министрі Аймағамбетов Асxат Қанатұлы , Бастауыш кәсіподақ ұйымының жетекшілері, ЖОО өкілдері, жас ұстаздар мен студенттер қатысты.
Форум аясында секциялық отырыстар болып, Елбасы Жолдауынан бастау алған Педагог мәртебесі басты тақырыпқа алынып, ұсыныс пікірлер талқыланды. Сонымен қатар жастар жайы да сөз болып, келер жылға жарияланған Жастар жылының маңыздылығы мен жоспарлары да айтылды.
Шара аясында барлық өңірден келген біз секілді қатысушыларға Елбасының "Қазақстан жолы" атты кітабы сыйға тартылды.
Аталмыш шараға Қызылорда облыстық білім және ғылым қызметкерлері кәсіподағынан 4 делегат қатысып, өз ұсыныс пікірлерін жеткізді.
Және де айта кету керек, жеке өзім үшін де жиыннан алғаным мол. Жаңа тәжірибе жинақтап ғана қоймай, мол мүмкіндіктер берді.
Жалпы форум қатысушылар үшін тиімді, маңызды және ұйымдастырылуы өте жоғарғы деңгейде өтті. Облыстық делегация атынан өз ризашылығымызды білдіреміз.
Қорқыт Ата атындағы ҚМУ
Студенттер кәсіподақ комитетінің төрағасы Ш. Қаратайұлы
-
Фото
-
