«Елбасы – ел тірегі» атты салтанатты шарасы өтті
Талдықорғанда 1 желтоқсан- Тұңғыш Президент күні мерекесіне орай «Елбасы – ел тірегі» атты салтанатты шарасы өтті.
«Нұр Отан» партиясы Алматы облыстық филиалы мен білім және ғылым қызметкерлері кәсіптік одағы Талдықорған аумақтық ұйымы ұйымдастырған шараға мәслихат депутаттары, кәсіподақ өкілдері, мекеме басшылары қатысты. Сонымен бірге салтанатты мерекенің ерекше қонағы – ән әлемінде өзіндік дара орны бар әнші Саят Медеуов болды.
Шарада Елбасының өмірі мен өнегі істері жайы сөз болып, өскелең ұрпаққа толымды ақпараттар берілді. Қатысушылар атынан Анатолий Сюй-Мин сөз алса, жастар атынан құттықтауды Назарбаев Зияткерлік мектебінің оқушысы Дарья Степанова жеткізді.
Мерекелік кеш барысында партияның 20 жылдығына орай облыста ұйымдастырылған шығармалар байқауының жеңімпаздары анықталып, үш номинация бойынша 9 жүлдегері Талдықорған аумақтық ұйымының бағалы сыйлықтарымен марапатталды.
«Мен Елбасымыз Нұрсұлтан Әбішұлымен аттас болғаныма мақтан тұтамын. Ата-анам өмірге әкелген сәтте егемен еліміз тәуелсіздік мемлекетіміздің ең бір қиын сәтінде өмір кешті. Бүгін біз жас мемлекетіміздің негізін қалаған Нұрсұлтан атамның құрған партия төрінде марапатқа ие болып отырғанымыз – осы жылдардың, ерен еңбектің жемісі, қазақ халқының қиыншылықа мойымауының дәлелі», - дейді кішкентай жеңімпаз Нұрсұлтан.
Мерекелік кеш әуезді әнмен ұласып, патриоттық әндер шырқалды.
Білім және ғылым қызметкерлері кәсіптік одағы
Талдықорған аумақтық ұйымының баспасөз қызметі
-
Фото
-
