Білім саласындағы іс жүргізушілер жұмысын жетілдіру
Қараша айының 26 күні Қызылорда облысы, Сырдария ауданындағы № 35 И.Тоқтыбаев атындағы мектеп-лицейде «Қазақстандық салалық білім және ғылым қызметкерлері кәсіптік одағының Қызылорда облыстық ұйымы» ҚБ-нің ұйымдастыруымен жаңадан сайланған бастауыш кәсіподақ ұйымының төрағалары,еңбек қорғау жөніндегі техникалық инспекторлар мен іс жүргізушілерге арналған семинар өтті.
Семинардың мақсаты білім ұйымдарында әлеуметтік әріптестік аясында еңбек қатынастарын реттеу, іс жүргізушілердің жұмысын жетілдіру, еңбек қорғау жөніндегі техникалық инспекторлардың жұмысын күшейту.
Семинарға «Қазақстандық салалық білім және ғылым қызметкерлері кәсіптік одағының Қызылорда облыстық ұйымы» ҚБ-нің құқықтық қызмет жөніндегі мамандары Н.Утегенова, Е.Жубатканов, бас есепші М.Төребаева,Сырдарияаудандық мұрағатының архивисі Ж.Сейілов,Сырдария аудандық білім қызметкерлері кәсіподақ комитетінің төрағасы А.Есназар қатысты.
Облыстық кәсіподақ комитетінің құқықтық қызмет жөніндегі бас маманы Утегенова Нұргүл Сабырқызы «Ұжымдық шарт жұмыскерлер мүддесін қорғау мәселесіндегі басты құжат» тақырыбында баяндама жасап, қатысушылар сұрақтарына жауап берді.
Облыстық кәсіподақ комитетінің құқықтық қызмет жөніндегі маманы Жұбатқанов Ербол Жүнісұлы еңбек ұжымында қауіпсіздік жағдайларын қамтамасыз ету, олардың жұмысын ұйымдастыру тәртібі мен техникалық инспектор жұмысының күнделігінің толтырылу тәртібін түсіндірді.
Облыстық кәсіподақ комитетінің бас есепшісі Төребаева Марал Дүйсенбайқызы кәсіподақ мүшелерінің жазғы және қысқы демалысын ұйымдастыру жөнінде ақпарат берді.
Сырдария аудандық мұрағатының архивисі Сейілов Жәнібек Асқарұлы мұрағатқа өткізетін құжаттар тізбесін және оларды рәсімдеу тәртібін түсіндірді.
Семинарды қорытындылау барысындааудандық кәсіподақ комитетінің төрағасы Есназар Алмас Зейноллаұлы іс жүргізушілерді білім беру саласындағы қажырлы еңбегі үшін Құрмет Грамотасымен марапаттады.
Қызылорда облысы, Сырдария ауданы
-
Фото
-
