Сыр кәсіподақтары Мерке, Манкент шипажайында
Қызылорда облыстық білім қызметкерлері кәсіподақ комитетінің іс-жоспарына сәйкес қараша айының 07-09 аралығында Мерке, Манкент шипажайларында семинар ұйымдастырды.
Мақсаты: сала қызметкерлерінің денсаулығын нығайту, демалысын тиімді ұйымдастыру және шипажай орындарымен таныстыру
Семинарға облыстық, аудандық білім, денсаулық, мәдениет және мұнай салаларының бастауыш кәсіподақ ұйымдарының төрағаларынан тұратын 50 қәсіподақ белсенділері қатысты.
Бағдарламаға сәйкес шипажай директоры Сүлейменов Асхат басқаратын ұжым қызметкерлерімен шипажай жұмысымен және алдағы уақыттағы жоспарларымен таныстырды. Кәсіподақ мүшелерінің күрделі жөндеуден өткен ғимаратта ем қабылдап, саумал терапия процедурасының қосылғанына семинар қатысушылары риза болып, алғыстарын білдірді.
Семинардың әр кеші мәдени шараларымен қорытындыланды және қатысушылар алған әсерлерін білдіретін түрлі жанрда өнерлерін көрсетіп, қорытындысы бойынша Мерке шипажайы жайлы үздік эссемен көркемсөз арнаған бастауыш кәсіподақ төрағалары Көптілеуова Света, Қыстаубаев Ақылбек, Нысанбай Мақсатхан марапатталды.
Семинардың үшінші күні «Манкент» шипажайында жалғасты. Онда семинар қатысушылары шипажай басшылығымен кездесіп алдағы уақыттағы жұмыс жобаларымен танысты. Кәсіподақ төрағаларына Манкент шипажайының ерекше ұнаған тұсы жанұялық жолдамаға жақсы жеңілдіктер қарастыратыны.
Жақсы әсермен қайтқан кәсіподақ белсенділері Мерке, Манкент шипажайының ұжымына алғыстарын білдірді.
Облыстық кәсіподақ комитетінің маманы
Жаппарбергенова Зульфия
-
Фото
-
