«Әлеуметтік еңбек қатынастарын реттеудегі кәсіподақтардың рөлі»
2018 жылдың 16 қараша күні Қызылорда облысы, Қармақшы ауданындағы № 26 орта мектепте «Қазақстандық салалық білім және ғылым қызметкерлері кәсіптік одағының Қызылорда облыстық ұйымы» ҚБ-нің ұйымдастыруымен «Әлеуметтік еңбек қатынастарын реттеудегі кәсіподақтардың рөлі» тақырыбында семинар өтті. Оған жаңадан сайланған бастауыш кәсіподақ ұйымының төрағалары - 14, еңбекті қорғау жөніндегі техникалық инспекторлар - 32 және іс жүргізушілер (кадр мамандары) – 32, барлығы 78 қызметкер қатысты.
Семинарға «Қазақстандық салалық білім және ғылым қызметкерлері кәсіптік одағының Қызылорда облыстық ұйымы» ҚБ-нің заңгері Е.Жубатканов, Қармақшы аудандық мұрағатының архивисттері А.Мешітбаева, Г.Абиева, Қармақшы аудандық білім бөлімінің білім беруді дамыту секторының бас маманы Б.Сәден, аудандық білім бөлімінің кадр жөніндегі инспекторы А.Қосанова және аудандық білім қызметкерлері кәсіподақ комитетінің төрайымы Ж.Молдабаева қатысты.
«Қазақстандық салалық білім және ғылым қызметкерлері кәсіптік одағының Қызылорда облыстық ұйымы» ҚБ-нің заңгері еңбекті қорғау жөніндегі техникалық инспекторларына ұйымдағы еңбек қауіпсіздігі мен еңбекті қорғау жөніндегі өндірістік кеңес, ұжымдағы техникалық инспектордың жұмысын ұйымдастыру, күнделігін толтыру туралы мағлұмат берсе, аудандық білім бөлімінің кадр жөніндегі инспекторы іс жүргізушілерге құжаттармен жұмыс жасау (бұйрықтар жазу, еңбек кітапшасын толтыру, еңбек шартты жасау үлгілері) туралы түсіндірме жүргізсе, Қармақшы аудандық мұрағатының архивисттері мұрағатқа өткізетін құжаттар тізбесін, тәртібін түсіндірді. Сонымен қатар, аудандық білім қызметкерлері кәсіподақ комитетінің төрайымы жаңадан сайланған бастауыш кәсіподақ ұйымының төрағаларына жұмыс барысын таныстырды.
Семинар соңында қатысушылардың сұрақтарына жауаптар беріліп, әдістемелік нұсқаулықтар таратылды.
Қызылорда облысы, Қармақшы ауданы
-
Фото
-
