Аумақтық ұйымдардың жаңалықтары

15.11.2018 жылы Шымкент қаласы білім басқармасының политехникалық колледжінің үлкен мәжіліс залында ҚР білім және ғылым қызметкерлері кәсіподағының бастамасымен, ҚР БжҒМ техникалық және кәсіптік білім беру Департаменті директорының орынбасары Жүнісов Ернат Ғапуұлы, ҚР білім және ғылым қызметкерлері кәсіподағының төраға орынбасары Мұқашева Айгүл Мақсатқызы, ҚР «Атамекен» ҰКП адами капиталын дамыту департаменті диркторының орынбасары Шоңаева Ляззат Жаббарқызы, Шымкент қаласы білім басқармасының басшысы Ақерке Абылайқызы, «Қаржылық орталық» АҚ білім беруді мемлекеттік қаржыландыру жүйесін дамыту департаменті диркторының орынбасары Кадесова Айнұр Амангелдіқызы, Түркістан облыстық білім және ғылым қызметкерлері кәсіптік одағының төрағасы Еркінбек Бахыт Сейтжаппарұлы және Қызылорда, Жамбыл облыстарының білім басқармасы басшыларының орынбасарлары, колледж басшылары, әдіскерлер, әлеуметтік серіктестер және оқытушылардың қатысумен «Техникалық және кәсіптік білім беру жүйесін дамыту» атты тақырыпта семинар-кеңес болып өтті.
Семинар-кеңестің бірінші бөлімінде Жүнісов Ернат Ғапуұлы - «Техникалық және кәсіптік білім беру жүйесін дамытудың проблемалары және перспективасы», Мұқашева Айгүл Мақсатқызы - «Білім және ғылым қызметкерлерінің салалық кәсіподағының жұмысы», Шоңаева Ляззат Жаббарқызы - «Дуальді оқытуды дамыту және колледждер рейтингісін енгізу», Ақерке Абылайқызы - «Шымкент қаласы техникалық және кәсіптік білім жүйесінің дамуы туралы», Кадесова Айнұр Амангелдіқызы - «ТжКББ жүйесін жан басына шаққандағы қаржыландыруды енгізу мәселелері туралы» тақырыптарда баяндама жасады. Семинар - кеңестің екінші бөлімінде, семинарға қатысушылар жоғарыда аталған лауазым иелеріне өз саласы бойынша көкейде жүрген сұрақтарын қойып, қанағаттанарлық жауаптарын алды.
Семинарға қатысушы оқытушылар, келген қонақтар Политехникалық колледждің фойесінде орналасқан оқушы-жастардың көрмесін тамашалап,семинар-кеңеске оң бағаларын беріп тарқасты.