Есеп беру-сайлау жиналысы өтті
Түркістан облысы, Ордабасы ауданы, Шұбарсу елді мекенінде орналасқан Мұхаметқұл Исламқұлов атындағы жалпы орта мектебі 2010 жылы ашылған болатын. Қазіргі таңда, мектепте 3423 оқушы білім алуда, сондай-ақ, жалпы кәсіподақ мүшелерінің саны - 300. Мектепті 2010 жылдан бері, филология ғылымдарының кандидаты, жоғары санатты ұстаз, білікті басшы Бахтыгүл Әшімқызы Тастанбекова басқарып келеді. Мектептегі бастауыш кәсіподақ ұйымының төрағасы - физика пәнінің мұғалімі Иманбаева Айым Есіркепқызы.
2018 жылдың 10 қарашасында Мұхаметқұл Исламқұлов атындағы жалпы орта мектебінде өткен бастауыш кәсіподақ ұйымының есеп беру – сайлау жиналысының қорытындысы бойынша, көпшіліктің дауыс беруімен, бастауыш кәсіподақ ұйымының төрағасы болып, Иманбаева Айым Есіркепқызы қайта сайланды. Сондай-ақ, тексеру комиссиясы 3 адамнан тұратын құрамда қайта сайланды. Тексеру комиссиясының төрағалығына Бекбоатов Нұржігіт Даулбаевич сайланды. Жиынға 300 ден 279 кәсіподақ мүшесі қатысты.
Мектепте оқыту мен оқу жүйесінде, тәрбие жұмыстарында және оқушыға сапалы білім беруде, ұжымның өзара ынтымақтастығы мен сыйластығы зор септігін тигізеді.
Есеп беру-сайлау жиналысына Білім және ғылым қызметкерлерінің Ордабасы аудандық кәсіподақ комитетінің төрағасы Ә.Сәдірмек қатысып, кәсіподақ мүшелерінің сұрақтарына жауап берді.
-
Фото
-
