«Көшбасшылыққа бағытталған жол» атты оқу семинары өтті
Қазан айының 31 жұлдызында Шалқар шаһарындағы №5 мектеп-лицейде кәсіподақ ұйымының ұйымдастыруымен «Көшбасшылыққа бағытталған жол» атты оқу семинары өтті. Семинарға арнайы көшбасшылар шақырылып, көшбасшы ұстаздардан жас кәсіподақ ұйымының мүшелерімен тәжірибе алмасулары болды.
Шалқар аудандық кәсіподақ ұйымыныңтөрайымы Махат Гүлзира Әбдіжәмилқызы, №5 мектеп-лицей директоры Әбдіғапарова Әлия Пәуединқызы, осы білім беру ұйымы директорының бейіндік істер жөніндегі орынбасары Боқаева Гүлжан Мұхамеджанқызы көшбасшылыққа жету жолындағы қадам жасаған баспалдақтарына, өздері өткен өткелдерге тоқталып, тыңдармандарын ұйытты.
Көшбасшы мұғалімге тән белгілерге тоқталған деңгейлік оқыту бағдарламасы негізінде ілгері деңгей бойынша сертификатталған тәжірибелі ұстаздар Кузнецова Наталья Евгеньевна, Тещенко Галина Викторовна, Піралина Гүлжанат Жәрдембергенқызы болатын. Олар өздерінің көшбасшылық қырларын танытып, жас мамандарды коллаборативті ортада мұғалім тұлғасы, сөйлеу мәдениеті мен имидж, стиль мәселесін талқылатып, бірлесе жұмыстандырды. Семинар барысында классикалық стильдегі киімдердің сән үлгісі де, күнделікті жұмысқа лайық күндізгі жеңіл макияж жасау нұсқасы да назарға ұсынылды.
Тыңдаушылары жас кәсіподақ ұйымының мүшелерінен құралған семинар өте тартымды, бай мазмұнда өткені анық. Қатысушылардың қызығушылық танытулары, жоғары белсенділігі, өздеріне қажеттіні ала білулері, берген кері байланыстары, күтілген нәтиженің орындалуы – шараның оқу мақсатына қол жеткізгендігіне айқын дәлел.Қатысушыларға берері көп шараның алдағы уақытта масштабы өзгермек.Ұйымдастырушы мектебіміздің бастауыш кәсіподақ төрайымы Бегімбетова Жансауле Құлтасқызы.
«Қазақстандық салалық білімжәне ғылым қызметкерлері
кәсіптік одағының Ақтөбе облыстық ұйымы» ҚБ
-
Фото
-
