.jpg)
Үздік бастауыш мұғалімі
Қазақстандық салалық білім және ғылым қызметкерлері кәсіптік одағының Ақтөбе облыстық ұйымы мен Ақтөбе облыстық ғылыми-тәжірибелік орталығының бірлесуімен ағымдағы жылдың 12 қазанында Ақтөбе қаласы № 36 орта мектебінің базасында өткен «Үздік бастауыш класс мұғалімі-2018» облыстық байқауының үздіктері анықталды.
Байқауға қатысушы ұстаздар «Менің шығармашыл ұстазым», бейнетүсірілім арқылы өздеріне жан-жақты шығармашылық тұрғыда таныстырылым жасаса, «Ең үздік сабақ үлгісі» бөлімінде №36, №26 орта мектептерінің 2 және 3 кластарында жаңартылған бағдарлама негізінде сабақ көрсетті. Ұстаздардың педагогикалық әрекетті шебер ұйымдастыруы мен түрлі әдіс-тәсілдерді қолдану ерекшеліктері байқалды.
Байқау жеңімпаздары облыстық білім және ғылым қызметкерлері кәсіптік одағы мен облыстық ғылыми-тәжірибелік орталығының бірлескен дипломдарымен және облыстық кәсіподақтан ақшалай сыйақыларымен марапатталды. Бас жүлде иегері Қарғалы ауданы №1 Бадамша орта мектебінің мұғалімі Г.Есееваға облыстық кәсіподақ есебінен «Мерке» шипажайында демалуға Сертификат табысталды.
Жеңімпаз ұстаздарға жаңашылдық пен үздіксіз ізденіс, кәсіби даму мен шығармашылық табыс тілейміз!!!!
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
-
Фото
-
.jpg)
.jpg)
