Аумақтық ұйымдардың жаңалықтары

Педагог мамандығының мәртебесін көтеру мақсатында 2018 жылдың 10 қазанында облыстық әдістемелік кабинеті Талдықорған қаласындағы №17 орта мектеп базасында облыстық "Педагогикалық идеялар фестивалі" байқауын өткізді. Байқауға барлығы 22 педагог қатысты. Әділқазылар алқасы төмендегідей жүлделі орындарды белгіледі: I орын – Хызайхан Мұратбек, Текелі қаласы №5 орта мектебінің физика пәні мұғалімі ІІ орын – Омарханова Айгүл, Алакөл ауданы №1 орта мектебінің музыка пәні мұғалімі және Өзенбаев Нұрлан, Талдықорған қаласы, дарынды балаларға арналған үш тілде оқытатын №20 арнаулы лицейінің математика пәні мүғалімі. ІІІ орын - Орынбаева Гульмира - Көксу ауданы Жалайыри атындағы орта мектеп-гимназияның ағылшын тілі пәнінің мұғалімі, Филимонова Елена - Талдықорған қаласы №12 орта мектеп-гимназияның орыс тілі мен әдебиеті пәнінің мұғалімі және Голущенко Наталья Ескелді ауданы, Алдабергенов атындағы орта мектебінің бастауыш сынып мұғалімі. Номинациялар иегерлері: «Шебер ұстаз» - Ким Ольга, Қаратал ауданы Морозов атындағы №51 орта мектеп-гимназияның орыс тілі мен әдебиеті пәнінің мұғалімі; «Зерттеуші ұстаз» - Смет Нұргүл, Қарасай ауданы Қырғауылды ауылындығы қазақ орта мектебінің биология пәні мұғалімі; «Тәлімгер ұстаз» - Көктеубаева Гульмира, Кеген ауданы М.Орманов атындағы орта мектебінің тарих пәні мұғалімі; «Ізденімпаз мұғалім» - Мүсилимова Аида, Қербұлақ ауданы Сарыбұлақ орта мектебінің ағылшын тілі пәні мұғалімі; «Креативті ұстаз» - Чалимбетова Гульмира, Жамбыл ауданы Мыңбаев ауылындағы орта мектептің орыс тілі мен әдебиеті пәні мұғалімі; «Шығармашыл ұстаз» - Арзиев Молотжан, Панфилов ауданы А.Розыбакиев атындағы орта мектебінің математика пәні мұғалімі. Жүлделі орынға ие болған педагогтар республикалық байқауға жолдама алды. Білім және ғылым қызметкерлері кәсіподағы Талдықорған аумақтық ұйымының баспасөз қызметі