Аумақтық ұйымдардың жаңалықтары

Үстіміздегі жылдың қазан айының 8 күні қалалық білім қызметкерлері кәсіподақ ұйымы жанынан Ұстаздар күні мен Ару қала-Ақтаудың 55 жылдық мерекесіне орай 55 жастағы ұстаздар арасында «Өлкемнің тарихына көз жүгіртсем» тақырыбында қалалық байқау ұйымдастырылды.
Байқаудың мақсаты: «Болашаққа бағдар: рухани жаңғыру» өңірлік бағдарламаны іске асыру мақсатында туған өлкенің өткені, бүгіні, болашағы тарихын білуге, әлеуметтік-экономикалық дамуы, туған еліне, жеріне деген сүйіспеншілікті, патриоттық сезімді насихаттау бағытында ұстаздардың шығармашылық қабілетін таныту.
Байқау екі бөлімде, бірінші бөлімде өлкетану бағытындағы интеллектуалдық сұрақтарға жауаптар болса, ал екінші бөлімде «Ақтау-армандар қаласы» үй тапсырмасы берілген, қаламыздың өткені, бүгіні, болашағы туралы жаңа идеясымен 5-7 минут ұзақтығы арасында қорғау.
Қорғау әр түрлі форматта жыр, толғау, сахналау, постер бойынша өтті.
Байқаудың ашылу салтанаты барысында сөз кезегі «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» ҚБ-нің Ақтау қалалық филиалының төрайымы К.Енсегенова сөз алып қатысушылар мен келген қонақтарды ұлағатты ұстаздарды кәсіби мерекесімен құттықтай келе, 2019 жылға арналған елбасы Н.Ә.Назарбаевтың жолдауының бір бағытында ұстаздардың мәртебесін көтеру мақсатында жаңа Заң қабылданатындығы және еңбек ақы мөлшерінің де көбейетіндігі, 2019 жыл «Жастар жылы» деп атауы, жалпы халықтың әлеуметтік жағдайының деңгейі жоғары болуы керек екендігін нақтылап айтылды. Сондықтан да келер жыл жақсы жаңалықтарымен келетіндігі қуантарлық жағдай екендігін атап өтті.
Сайыс талапқа жүргізілді. Сайыстың ұйымдастырылуына, құрылымына байқаудағы басты ерекшілік жаңа үлгідегі оқыту процесіне байланыстырыла құрылуы қазылар және қатысушылар мен көрермендер тарапынан оң бағасын берді. Қатысушылар екі топқа бөлініп, бөлім-бөлім бойынша сұрақтарға жауап берілді, үй тапсырмасы да қорғалды.
Сайыс соңында бүгінгі Ақтау қаласының құрылғанына 55 жыл, Ақтаудың құрдастарына да топты жарып қатысқандарына алғыс білдіре келе дипломмен, сый ақымен марапаттаулар жүргізілді.
Жеңімпаздар 2 орын №28 орта мектеп пен №9орта мектептің ұстаздары С.Зигаева мен Р.Ешимбетова дипломмен және 15 мың теңгеден сый ақы иеленсе, ал үшінші орынды №16 орта мектептің мұғаліміА.Қоштай диплом, сыйақы 12 мың теңге, №14, 20, 22 мектептің қатысушыларына ынталандыру, сый ақы 6 мың теңгемен марапатталды.
Қатысушылар тарапынан да сөз алып, осындай сайысты ұйымдастырғанына алғыстарын айта келе, ел дәулеті, қала сәулеті артып, жайнай берсін туған өлкеміз шарықтай берсін деген тілектер айтылып, сайыс өз мәресіне жетті.

Маңғыстау облысы, Ақтау қалалық кәсіподақ ұйымы
филиалының төрайымы Күнзира Енсегенова