«Ой-өрісті дамытып, сергек боламыз!» спорттық жарыстар
«Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Мұнайлы аудандық кәсіптік одағының және Мұнайлы аудандық білім бөлімі, білім үйлестіру орталығымен бірлесе отырып, қазан айында білім беру ұйымдарының басшылары арасында аудандық дойбы жарасы, педагог - қызметкерлер арасында шахмат жарысы өткізілді. Сұраныс бойынша барлық білім беру ұйымдарының басшылары, педагогтер мен жанкүйерлер белсене қатысты.
Жарыс қызықты әрі тартысты өтті. Жанкүйерлермен көреремендер әр бір ойыншыға сәттілік тілеп қолдап отырды.Төрешілер әр бір ойыншының ойынын жіті бақылап тиісті орындарды ұсынды.
Нәтижесінде, білім беру ұйымдарының басшылары арасында өткізілген дойбы жарысынан І орынды №9 «Бәйтерек» балабақшасы директоры М.Титанова, ІІ орынды №11 орта мектеп директоры Қ.Әділбекова мен аудандық білім бөлімінің басшысы Е. Овезов және
№2 орта мектеп директоры Ө.Тағанияз, ІІІ орынды №13 орта мектеп директоры С.Сахабаева, №5 орта мектеп директоры Ж.Бөкен, №9 орта мектеп директоры Г. Асамадинова, № 14 орта мектептің директорының м.а. А.Машанова, Қызылтөбе лицейінің директоры З.Мамутова және қалған қатысушылар ынталандыру дипломын иеленді.
Марапаттар Мұнайлы аудандық кәсіподақ ұйымы атынан бағалы сыйлықтар табысталды. Педагог қызметкерлер арасында өткізілген шахмат жарысы да өз деңгейінде ерекшелене өтті.
Жарыстың мақсаты педагогтердің кәсіби деңгейін анықтау және логикалық ойлау қабілетін қалыптастыру болды. Педагог қызметкерлермен өткізілген шахмат жарысында мектептер бойынша І орынды, №9 орта мектеп педагогтері командасы, ІІ орынды, №4 орта мектеп командасы, ІІІ орынды, №5 орта мектеп командасы және мектепке дейінгі ұйымдар бойынша І орынды, №8 «Алтын сақа» балабақшасы педагогтері командасы, ІІ орынды, №9 «Бәйтерек» балабақшасы командасы,
ІІІ орынды, №2 «Туберкулез ауруынан сауықтыру» командасы және №10 «Ақбота» балабақшасы иеленді.
Бұл жарыста да барлық орындарға және ынталандыру номинациясы иегерлеріне Мұнайлы аудандық кәсіподақ ұйымы атынан бағалы сыйлықтар табысталды.
Мұнайлы аудандық кәсіподақ филиалы төрайымы Р.Н.Текеева
-
Фото
-
