Ұстаздар мерекесі
Шығыс Қазақстан облысы Зайсан ауданы М.Дәуленов мектеп-интернатынының бастауыш кәсіподақ ұйымы ұйымдастырған «Ұстаздар күні» кәсіби мерекеге орай ұстаздардың еңбек жолдарны кеңінен ұлықтаған шара өтті. Дарынды, қабілетті оқушыларды анықтау мақсатында өткізілген аудандық, облыстық пән олимпиядалары, ғылыми жоба қорғау жарыстары, көркем сөз оқу шеберлерінің байқаулары, шығармашылық көрмелері, спорттық сайыстардың жеңімпаздарын дайындап, шыңдаған ұстаздар еңбегіне зор алғыс білдірілді. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Ол әрдайым қасиетті тұлға ретінде ерекшеледі. Сондықтан да білім көшін алға жылжытып келе жатқан ұстаздар қауымына құрмет арта бермек. Кеш соңында мұғалімдерге оқушылардың мерекелік концерті тарту етілді.
Мектеп-интернаттың кәсіподақ
ұйымының төрайымы С.Серикбаева
-
Фото
-
