Сырым аудандық білім беру қызметкерлерінің кәсіподақ ұйымы жанынан «Жастар қанаты» құрылды
2018 жылдың 3 қазан күні Сырым аудандық білім беру қызметкерлерінің кәсіподақ ұйымы жанынан «Жастар қанаты» құрылды. «Жастар қанатына» бастауыш кәсіподақ ұйымының жас буын өкілдері тағайындалған кеңес болып өтті. Бұл кеңестің барысында Сырым аудандық кәсіподақ ұйымының төрайымы Тапаева Ләззат Сәкенқызы атқарылған шараларға тоқталып, аудандық «Жастар қанаты» ұйымының төрағасы болып тағайындалған ЖББ Тасқұдық НМ-нің қазақ тілі мен әдебиеті пәнінің мұғалімі Қажгереев Сатым Мұратұлын таныстырды.
Сатым Мұратұлы аудандық кәсіподақ ұйымының жанынан құрылған жастар кеңесінің ережесімен таныстырып, Ақтау қаласындағы жазғы лагерьде болған және сондағы жастармен кездесу барысындағы түйген ойымен бөлісті.
ЖББ Ж.Досмухамедов атындағы жалпы білім беретін орта мектеп-балабақша кешенінің жас маманы Ләйлі Науайқызының бастамасымен жастар арасында кәсіподақ жұмысын жандандыру бағытында, дебат ұйымдастырды.
Кеңес соңында «Жастар қанаты» жас буын мүшелеріне кәсіподақ ұйымы атынан ауданымыздың республикалық деңгейдегі жас ақыны Бауыржан Ширмединұлының естелік қолтаңбасы бар «Дәптер» атты кітабы және ұстаздар мерекесіне орай раушан гүлі сыйға тартылды.
Мерекелік ұстаздар күніне орай кәсіподақ ұйымы атынан дастархан жайылып, жастарға көптеген шаралар ұйымдастырылды. Соның ішінде облыстық «Өсу векторы» шарасына қатысқан аудандық білім беру бөлімінің әдіскері Раймов Қуаныш Қайрошұлы, ЖББ Сырым ОМБК-нің дене тәрбиесі пәнінің мұғалімі Төкеш Сырымбек Пазылұлы, ЖББ А.Жұмағалиев атындағы Жосалы ОМБК-нің физика пәнінің мұғалімі Қауысов Танат Талғатұлы, ЖББ Көгеріс НМ-нің ағылшын тілі пәнінің мұғалімі Меңжан Мерей Алмасұлы өз өнерлерін көрсетіп, аудандық кәсіподақ ұйымы атынан дипломдармен марапатталды.
Жастар өз ойларын, ұсыныстарын ортаға салып, өздерінің атқаратын қызметтерін нақтылап алды.
-
Фото
-
