Семинар «Кәсіподақ ұйымының жұмысын заманауи бағытта ұйымдастыру»
27 қыркүйек күні «Еңбек күніне» байланысты Ойыл аудандық кәсіподақ ұйымының ұйымдастыруымен «Кәсіподақ ұйымының жұмысын заманауи бағытта ұйымдастыру» тақырыбында аудандық семинар өтті. Семинарға барлық бастауыш ұйымдарының көшбасшылары, биыл жұмысқа қабылданған жас мамандар және Жастар ресурстық орталығының басшысының м.а. Музамелұлы Мейрамбек қатынасты.
Семинар барысында Ойыл аудандық білім қызметкерлерінің кәсіподақ төрайымы Г.Избагамбетова «Кәсіподақ ұйымының жұмысын заманауи бағытта ұйымдастыру» тақырыбында баяндама оқыса, Ш.Бемұхамбетова атындағы мектеп-гимназиясының, Ж.Жүсібалиев орта мектебінің және Саға мектеп-балабақшасының бастауыш кәсіподақ ұйымының көшбасшылары атқарылып жатқан жұмыстары бойынша хабарлама жасады. Семинар соңында кәсіподақ мүшелігіне өткен жас мамандарға салтанатты түрде кәсіподақ билеті табыс етілді.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
