СТУДЕНТТІК КАНИКУЛ – 2018
Ағымдағы жылдың 26-28 тамыз аралығында Қызылорда облыстық білім және ғылым қызметкерлерінің кәсіподақ комитеті және Қорқыт Ата атындағы Қызылорда мемлекеттік университетінің қолдауымен, тиісінше университетттің Студенттер кәсіподақ комитетімен Жастар ісі жөніндегі комитетінің ұйымдастыруымен Түркістан облысы, Түлкібас ауданы, «Таң нұры» тынығу аймағының базасында «Студенттік каникул - 2018» атты дәстүрлі жазғы тыңығу лагері болып өтті.
Лагердің басты мақсаты – студенттік өзін-өзі басқару жүйесінің тиімді жұмыстары арқылы жастардың әлеуметтік-белсенділігі мен кәсіби-біліктілігінің дамуына жағдай тудыру екені белгілі.
Негізінен жастар лагері – студенттердің қабілет-қарымын ашу үшін мол мүмкіндік және студенттік өмірдің алуан саласында студенттік бастамаларды қолдаудың ашық алаңы болып табылады.
Әдемі мереке мен нағыз тәжірибе алмасу алаңына айналған бұл 3 күнді жай ғана демалыс деп айту жарамас. Жыл бойы үздік еңбек етіп, демалуға келген 50 студент бірнеше топқа бөлініп, жарыстар ұйымдастырды. Барлық қойылымдары мен ұрандарын, топтарының атауын тарихи кезеңдермен байланыстырған топ шығармалары мерекеге өзіндік ерекшелік сыйлады.
Сондай-ақ, студенттердің іскерлік қарым-қатынасына жол сілтеуші болатын семинарлар мен тренингтерден өзге, студенттік өзін-өзі басқару белсенділерінің көшбасшылары үшін арнайы шеберлік сыныптар ұйымдастырылды. Лагерь бағдарламасы бойынша зияткерлік ойындар, жайдарман ойындары, волейбол және футбол сайыстары өткізілді. Және әрбір ұйымдастырылып, өткізіліп отырылған сайыс соңында ұйымдастыру комитеті тарапынан сыйлықтар табысталып отырылды.
Жарыс нәтижесі бойынша Студенттер кәсіподақ комитетінің төрағасы Ш.Қаратайұлы және Жастар ісі жөніндегі комитет төрағасы Н.Пірназаров барлық топ белсенділерін әр түрлі номинациялармен және түрлі бағалы сыйлықтармен марапаттады.
Айта кетейік дәстүрлі түрде өткізілетін бұл іс шара алдағы жылы да өз жалғасын табатын болады.
Қорқыт Ата атындағы ҚМУ
Студенттер кәсіподақ комитетінің
төрағасы Ш.Қаратайұлы
-
Фото
-
