Аумақтық ұйымдардың жаңалықтары

2018 жылғы 15 тамызда Тереңкөл ауылында білім беру кәсіподағы қызметкерлері кәсіподағы ұйымдарының төрағаларының кеңейтілген Кеңесінің отырысы өткізілді.
«Қазақстандық салалық білім және ғылым қызметкерлері кәсіподағының Павлодар облыстық ұйымының» «Качир аудандық білім қызметкерлерінің кәсіподақ ұйымы» филиалының төрайымы А.Ф. Арынова 2014 жылдан бастап 2018 жылғы 15 тамызына дейінгі қызметі жөнінде есеп берді.
Отырысқа жұмысына «Қазақстандық салалық білім және ғылым қызметкерлері кәсіптік одағының Павлодар облыстық ұйымы» ҚБ – нің төрайымы Г.Ә. Наурызбаева, Качир ауданы білім беру бөлімінің басшысы Ж.Қ.Билялова, білім беру мекемелерінің директорлары, педагогикалық еңбек ардагерлері, БАҚ өкілдері қатысты.
Кәсіподақ қозғалысының модернизациялау кезеңінде, қызметке жаңа жұмыс түрлері мен жаңа бағыттар енгізілді. Ауданда құқықтық қызмет те тиімді құрылған. Кәсіподақ үйірмелері, аудандық оқыту-әдістемелік кабинеттері арқылы кәсіподақ мүшелері мен әлеуметтік әріптестікті еңбек заңнамасының негіздерінеде оқытудың жаңа жүйесі енгізілді. Жастармен жұмыс қарқынды жүргізілуде. Олардың ауылдарда жұмыс орнында бейімделуіне көп көңіл бөлінуде. Оларға үй алуда, отынмен қамтамасыз етуде, асханада тамақтануға жеңілдіктер көрсету үшін қолдау және көмек берілуде. Еңбек жолын жаңа бастаған мұғалімдердің сәтті бейімделуі- кәсіби шеберліктерінің және шығармашылығының өсуінің кепілі. Педагогтардың шығармашылық дамуы және корпоративтік мұғалімдер ортасын құру бойынша жұмыстар жалғастырылуда.
Аудандық салалық келісім бойынша аудан әкімдігінің қолдауымен білім беру ұйымдарының материалдық-техникалық базасын нығайтуға, жұмыс орындарында қауіпсіз және салауатты жағдайды қамтамасыз етуге жыл сайын тұрақты қаржы бөлініп отырады.
БАИ курстарында педагогтардың білімдерін арттыру кезінде іссапар шығындарын төлеу мәселесі оңтайлы шешілуде. Білім беру ұйымдарында қауіпсіз еңбек жағдайларын жасауға қоғамдық бақылауды ұйымдастыру бойынша, қызметкерлердің демалысын ұйымдастыру, спартакиадалар өткізу арқылы салауатты өмір салтын насихаттау бойынша, шығармашылық және көркем өнер байқаулары арқылы шығармашылық әлеуетін көтеру бойынша жұмыстар жалғастырылуда.
Аудандық кәсіподақ ұйымымен жылдың соңына дейін іске асырылатын 7 пилоттық жоба бар, кейбірінің тақырыптары: «Құқықтық қорғау жүйесін дамыту» Ынталы НМ біріншілік ұйымы, «Корпаративтік ортаны құру, имидждік ортаны құру» Песчан №1 ЖОБМ біріншілігі, «Біз біргеміз» жобасын құрасытырып іске асырған Песчан 2, Береговой, Октябрьск, Бобровка ЖОБМ, Ынталы НМ біріншілік ұйымдары төрағаларымен құрастырылып, іске асырылуда. Жобалардың іске асырылуы кәсіподақ жұмысының жақсаруына жаңа серпін беруде. Ревизиялық комиссияның төрайымы А.А. Серикова аудандық филиалдың жұмысы жөнінде ақпаратты ұсынды.
Кеңестің шешімімен «Качир аудандық білім қызметкерлерінің кәсіподақ ұйымы» ҚБ филиалы төрайымының есебі мәліметке алынды.
«Қазақстандық салалық білім және ғылым қызметкерлері кәсіподағының Павлодар облыстық ұйымының» «Качир аудандық білім қызметкерлерінің кәсіподақ ұйымы» филиалының төрайымы А.Ф. Арынованың 2014 жылғы 17 қыркүйектен 2018 жылғы 15 тамызға дейінгі аралықтағы атқарған жұмысы туралы ақпараты Кеңес шешімімен назарға алынды.
Г.Ә. Наурызбаева өз сөзінде филиалдың жұмысына оң бағасын беріп, аудандық филиал көптеген көрсеткіштер бойынша алдыңғы қатарда екендігін және өткізілген рейтинг нәтижесі бойынша Качир ауданы бірінші орын алғанын атап өтті.
А.Ф. Арынованың «Қазақстандық салалық білім және ғылым қызметкерлері кәсіптік одағының Павлодар облыстық ұйымы» ҚБ – нің аппаратына ауысуына орай аудандық төрайым қызметінең босатылсын.
А. Ф. Арыноваға кәсіподақтағы көпжылдық адал еңбегіне алғыс айтып, Гульбарам Әуезханқызы қызметтегі беделдігі мен құзыреттілігін, шығармашылдық көз қарасын атап өтіп, құнды сыйлық сыйлады. Педагогикалық еңбек ардагерлері, білім бөлімінің басшысы, мекеме директорлары, кәсіподақ төрағалары алғыс білдіріп, тілек сөздерін айтты.
Аудандық бюро мүшелері Качир аудандық кәсіподақ ұйымының төрағасы лауазымына А.А.Умарованың кандидатурасы ұсынылды.
А.А. Умарованы сайлау туралы Кеңестің шешімі бірауыздан болды.

«Қазақстандық салалық білім және ғылым
қызметкерлері кәсіптіқ одағының
Павлодар облыстық ұйымы»
ҚБ- нің бас есепшісі Ж.Д. Қабдығали