АЛҒЫС
Әлмағамбетова Алтынай
Қарағанды облысы, Нұра ауданы, К.Мыңбаев ЖОББМ аға тәлімгері
Республикалық жастар жазғы лагерінің қатысушысы
М.Жұмабаев атамыз:
«Арыстандай айбатты,
Жолбарыстай қайратты,
Қырандай күшті қанатты-
Мен жастарға сенемін!»- деп үкілеген үмітін, зор сенімін мына бізге, жастарға табыстап кетті. Ал біз, жастар мен жасөспірімдер, Тәуелсіз еліміздің дамып, ата- бабамыздың арман- тілектерін іске асыру үшін аянбай қызмет етуден еш жалықпаймыз!
2018 жылғы 15-19 шілде аралығында «Қазақстандық салалық білім және ғылым қызметкерлерінің кәсіптік одағы» қоғамдық бірлестігінің ұйымдастыруыменен Маңғаз Маңғыстау жерінде жас ұстаздардың жазғы демалыс уақытын тиімді пайдаланумен қатар, жастар арасында жастар кәсіподақ қозғалысының ықтимал және нақты көшбасшыларын анықтау мақсатында Республикалық жазғы жастар лагері өтті.
Маңғаз Маңғыстау жеріне Республиканың барлық аймағынан 80 белсенді жастар жиналып, жазғы жастар лагеріне қатысты. Республикалық жазғы жастар лагерінің салтанатты ашылу рәсімі академик Ш.Есенов атындағы КМТжИУ-ның Атриум залында өткізілді. Осы орайда салалық кәсіподақ жайында бейнероликтер көрсетіліп, флеш моб биі жалғасын тапты. Сонымен қоса, жазғы жастар лагеріне жиналған қатысушыларға: Маңғыстау облысы әкімінің орынбасары- Сакеев Р.Қ, «Қазақстандық салалық білім және ғылым қызметкерлерінің кәсіптік одағы» ҚБ-нің төрайымы – Амантаева М.Т, Маңғыстау облысы кәсіподақтар орталығының төрағасы – Жанабеков Қ.Қ. алғы сөздерін айтып, жылы қабылдады. Концерттік бағдарлама барысында Қазақстан кәсіподақ жастарының әнұраны орындалып, әсем әндер мен мың бұралған билер қатысушылардың қошеметіне бөленді. Осы кезекте Ш.Есенов атындағы Каспий мемлекеттік технологиялар және инжиниринг университетіне, мұражайына, қалалық тарихи-өлкетану мұражайына экскурсия жасап, қыр сырымен таныстырды. Қатысушыларды 4 топқа бөліп, пайдалы семинар, коучинг, тренинг, тимбилдинг, «Спорт- сен өмірсің!» Теңіз жағасында спорттық ойындар ойнатылып, «Open Air» сауықтыру кеші, күнделікті таңғы жаттығулар, таңғы,түскі,кешкі ас, Теңіз жағасындағы демалыс, «Мен кәсіпкер боламын» жобасының тұсаукесері, «Достық алауы», «Теңіз жағалауындағы «Tree of life»аквапаркте демалыс», би кеші, «Галстуксіз кездесу» және де басқак ойын-сауық бағдарламалары өте жоғары дәрежеде өткізіліп, қатысушылардың көңілдерінен шықты деген мол сеніммен айта аламын.
Республикалық жастар жазғы лагерінің жабылу салтанаты өткізіліп, барлық 80 қатысушыларға сертификаттар беріліп, бағалы сыйлықтар табысталды. Сонымен қатар лагердің белсенді 20 қатысушыларын Алғыс хатпен (олардың ішінде менде бармын) марапаттап,естелікке суретке түсті. Осы орайда жалпы Республикалық жастар жазғы лагерін ұйымдастырған Қазақстан Республикасы Білім және Ғылым қызметкерлерінің кәсіподағының бірлестігіне, сонымен қоса, Қазақстандық салалық білім және ғылым қызметкерлерінің кәсіподағының бас маманы- Әбиева Әлия Әділханқызына, Қазақстандық салалық білім және ғылым қызметкерлерінің кәсіптік одағы ҚБ-нің төрайымы- Майра Тұрғанқызына, Маңғазды жер Маңғыстауда бізді жылы қарсы алған: Тәрбие Анайбекқызына, Лаура Сарсенғалтқызына, Айдана Үкібайқызына алғысым шексіз! Сонымен қоса маған үміт артып, сенім білдірген аудандық мұғалімдер кәсіподақ ұйымының төрағасына үлкен алғысымды жеткізіп, осылай жастарды көтеріп, тек қана алға ұмтылуына септігін тигизе берсін деп айтқым келеді.
Жастар жазғы лагерінен өзім үшін бір ұмытылмас демалыс, керемет әсер алдым деп айтсам артық айтпаған болармын. Каспий қалай үлкен болса, адамдарының пейілі де сондай кең. Ақтау жұртшылығына алғысым шексіз! Білім қызметкерлері кәсіподағына үлкен рахмет! Осындай жазғы жастар лагері әлі де өз жалғасын табады деген үміттемін!
