ПРЕЗИДЕНТ ТАПСЫРМАСЫ ЖҮЗЕГЕ АСУДА
Елбасымыздың 2018 жылы 5 наурызы күні «Президенттің бес әлеуметтік бастамасы» атты Қазақстан халқына арнаған үндеуінің «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» атты үшінші бастамасындағы тапсырма Атырау облысында жоғарғы қарқынмен орындалу үстінде. Биылғы жылы аймақ студенттері үшін 12 жатақхана құрылысының сметалық-жобалау құжаттары дайындалды. Солардың алғы шебінде Атырау облысы құрылыс басқармасының тапсыруымен «Байсын-А» ЖШС-і Д.Нұрпейісова атындағы халықтық музыка академиясы» Атырау музыка колледжісінің 100 орындық жатақханасын құрылысын аяқтап отыр. Болашақ музыка әлемінің студенттері үшін салыған төрт қабатты әсем ғимаратта оларға қажетті тұрмыстық-әлеуметтік жағдайлар толық жасалынған. Екі орындық жатын, ас бөлмесі және жуынатын орындар соңғы үлгідегі құрал-жабдықтармен жасақталған. Әрбір қабатта асхана, кір жуатын арнайы бөлмелер бар.
Кез келген елдің білім беру деңгейі – экономикалық және ғылыми-техникалық прогрестің ең негізгі көрсеткішімен бағаланатын болса, қазақстандықтардың, оның ішінде атыраулықтардың бұл жолда терең білім алуына қолайлы жағдай толық жасалынып отыр деп нық сеніммен айтуға болады.
