Еңбек қауіпсіздігі
Қазақстанның Кәсіподақтар Федерациясы биылғы 2018 жылды «Еңбек қауіпсіздігі және еңбекті қорғау жылы» деп жариялаған болатын. Міне, осыны шараның аясында жуырда «Қазақстандық салалық білім және ғылым қызметкерлері кәсіптік одағының Атырау облыстық ұйымы» қоғамдық бірлестігінің төрағасы Қылышбай Сүндетұлы Қызылқоға ауданында болып бірнеше мектептер мен мектепке дейінгі мекемелерге барып кездесу өткізді. Атап айтқанда, жәй жөндеу жүргізіп жатырған Х.Досмұхамедов, Б.Аманшин жәнеЫ.Шөрековатындағы орта мектептер мен «Балдаурен», «Жасұлан» бала-бақшаларын қызметкерлерімен еңбек қауіпсіздігі ережелерін сақтау, кәсіподақ мүшелерінің еңбек құқықтарының сақталуы туралы сөз болды. Төраға ашық әңгіме жағдайында өткен кездесуде тыңдаушылар тарапынан болған бірнеше сұрақтарға жауап беріп, ұжым басшыларына қызметкерлердің еңбек заңдылықтарының дұрыс сақталуына және қолайлы еңбек етуі үшін бірқатар ұсыныс-тілегін жеткізді.
-
Фото
-
