Астана қаласына ұстаздарға жолдама табысталды
Астана қаласының 20 жылдығына орай Қызылорда қаласы Б.Шөкенов атындағы саябақта ұстаздарға Астана қаласына туристік саяхатқа берілген жолдаманы тапсыру рәсімі өтті.
Облыстық білім және ғылым қызметкерлері кәсіподақ комитетінің ұйымдастыруымен өткен шараға облыстық мәслихат хатшысы Наурызбай Байқадамов қатысты.
– «Алты алаштың басы қосылғанда, төр - мұғалімдікі», деп Алаш қайраткерлері бекер айтпаған. Қазіргі таңда ұлы даладан елорда салып, қандай ұлт екенімізді әлемге дәлелдесек, соның ішінде ұстаздардың орны ерекше, – деді ол.
Жолдаманы осы жылдың наурыз айында өткен «Жолдау жолымен – білім биігіне!» атты байқауда жеңіске жеткен Қармақшы аудандық үгіт бригадасы мен белсенділік танытқан ұстаздар иемденді.
Сонымен қатар, кәсіподақ комитетінің төрайымы Райкүл Байназарова өздерінің өрелі істерінің арқасында осындай белесті бағындырған мұғалімдер мен бастауыш кәсіподақ комитетінің төрағаларына алғысын білдірді.
Облыстық кәсіподақ комитеті
-
Фото
-
