БАЛАЛАР КӨҢІЛДІ ДЕМАЛУДА
Жас өркендеріміздің жаз айларындағы демалыстарын көңілді де, әсерлі өткізуге Атырау облысының білім беру органдарымен бірге, кәсіподақ ұйымдары да белсене араласып отыр. Соның айғағындай, жуырда Орал қаласындағы «Еуразия» емдеу-сауықтыру лагеріне жіберілген екінші аусымдағы 86 оқушының тегін демалуына «Қазақстандық салалық білім және ғылым қызметкерлері кәсіптік одағының Атырау облыстық ұйымы» қоғамдық бірлестігі (төрағасы Қ.Сүндетұлы) және осы ұйымның Махамбет ауданындағы филиалы (төрайымы И.Н. Алмурзина) демеушілік жасады. Демалушылардың барлығы дерлік білім беру саласында еңбек етіп жатырған қызметкерлердің ұл-қыздары. Мұндай игілікті шара мектепте сабақ басталғанша жалғасын таба бермек.
