Сарқан ауданында атқару комитетінің отырысы өтті
Бүгін білім және ғылым қызметкерлері кәсіптік одағы Талдықорған аумақтық ұйымына қарасты Сарқан аудандық кәсіподақ комитеті 2018 жылдың алты айлық жұмысын қорытындылау мақсатында атқару комитетінің отырысын өткізді.
Оған аудандық білім бөлімінің басшысы Панар Иманғазиева, мектеп директорлары, бастауыш кәсіподақ ұйымының төрағалары қатысты.
Сарқан аудандық кәсіподақ комитетінің төрағасы Ермек Алиновтың басшылығымен өткен жиында Аманбөктер орта мектебі және «Балдәурен» балабақшасы бастауыш кәсіподақ ұйымының төрағалары Ж.Жақыпбекова мен Э.Жақанаеваның мүшелік жарнаның жұмсалуы жайындағы баяндамасы тыңдалып, аудандық кәсіподақ комитетінің есепшісі Сымбат Сүлейменованың қаржылық-шаруашылық жұмысы көпшілік назарына ұсынылды.
Сонымен қатар, Шатырбай орта мектебіндегі ұжымдық шарт аясында ұстаздардың құқықтары мен заңды мүдделерінің сақталуын қамтамасыз ету бойынша атқарылған жұмыстар сараланып, атқару комитетінің мүшелері қаулы қабылдады.
Жиынды қорытындылаған кәсіподақ комитетінің басшысы Ермек Алинов бастауыш кәсіподақ ұйымы төрағаларына есеп беру-сайлау науқына дайындық жұмыстарын жүргізу қажеттігін баса айтып, алдағы мақсат-міндеттерді белгілеп берді.
Білім және ғылым қызметкерлерікәсіптік одағы
Талдықорған аумақтықұйымының баспасөз қызметі
-
Фото
-
