«Үздік оқытушы» байқауы
Қарағанды техника-құрылыс колледжінде оқу жылының нәтижесі бойынша колледж басшылығы, ғылыми-әдістемелік кеңес және колледждің кәсіподақ комитеті ұйымдастыруымен «Үздік оқытушы» колледжішілік байқауы өтті.
Байқаудың мақсаты - талантты педагогикалық қызметкерлерді анықтау, оларды қолдау және ынталандыру, колледждің үздік оқытушыларының педагогикалық тәжірибесін арттыру және одан әрі кәсіби жоғарлауға ынталандыруды дамыту болып табылды. Байқауға Циклдық әдістемелік комиссия ұсынған 5 үміткер өтініш білдірді. Байқау 3 кезең бойынша өткізілді. Бірінші және екінші кезеңде үміткерлер байқау комиссиясына өтінімдерін, партфолиосын, оқу-әдістемелік кешенін және тәрбие жұмыстары құжаттарын тапсырды. Үшінші кезеңде үміткерлер үш үй тапсырмасы және әдістемелік қызмет дайындаған екі тапсырма бойынша сайысқа түсті. Жеңімпаздарды анықтау оңай болған жоқ, үміткерлердің әрқайсысы жеңімпаз атына лайық еді, дегенмен байқаудың аты -байқау болғандықтан, топты жарған үздіктер де анықталды. І орынды математика пәнінің оқытушысы Сапбекова Бибігүл Ахметжановна, ІІ орынды тарих пәні оқытушысы Какембай Рахат және ІІІ орынды арнайы пән оқытушысы Магауин Бекболат Қуатбекович иеленді.Өзге де қатысушылар байқау комиссиясы тағайындаған номинацияларға ие болды. Жеңіпаздар арнайы дипломдар және сыйлықтармен марапатталды.
Қарағанды техника-құрылыс колледжі
кәсіподақ комитетінің төрайымыГүлнар Байтасова
-
Фото
-
