Аумақтық ұйымдардың жаңалықтары

Ақтөбе гуманитарлық колледжінде «Ұстаз. Жастар. Болашақ – 2018» форумы кәсіподақтың демеушілігімен өтті.

Форумға облыстық білім және ғылым қызметкерлері кәсіподағының төрайымы, облыстық білім басқармасының өкілдері, колледждің ардагер-ұстаздары, қала колледж директорлары қатысты.

Колледж директоры Е.Нұрғалиевтің 2017-2018 оқу жылында оқу-тәрбие үрдісінде қол жеткізген жетістіктері мен колледждің перспективті жоспарының орындалуы туралы баяндамасы тыңдалды. Оқу жылында жетістіктерге қол жеткізуге еңбек сіңіріп, студентттердің бойындағы шығармашылық қабілеттерін дамытуға және өз істеріне аса жауапкершілік танытқан оқытушылардың есімдері де айрықша аталып өтті. Салтанатты шарада басекете қабілетті тұлға дайындау барысында абыройлы еңбек етіп, оқу орнының дамуына үлес қосқан, зейнеткерлік демалысқа шыққалы отырған Д.Шаукарованың есімі аталып, колледж директоры мен бастауыш кәсіподағы ұйымының атынан, есімі колледждің «Құрмет кітабына» еніп «Алғыс хат» және ақшалай сыйлықпен марапатталды.

Сонымен қатар оқу жылы бойында жетістікке қол жеткізіп, түрлі пәндік интеллектуалдық және шығармашылық байқауларда, спорттық сайыстарда жүлделі орындарды иеленген оқытушылар мен студенттерді арнайы құттықтап, Ақтөбе облыстық білім басқармасы мен колледж директоры атынан Дипломдар мен Алғыс хаттар табысталды.

Екі ұстаз облыстық білім және ғылым қызметкерлері кәсіподағының тарапынан Құрмет грамотасы мен «Мерке» шипажайында облыстық кәсіподақ есебінен демалуға Сертификатпен марапатталды.

Колледжішілік оқу мен тәрбие ісінде белсенділік корсеткен бөлімдер мен топтар ішінен жоғары жетістікке жеткендері «Ең үздік топ» және «Ең үздік бөлім» арнайы номинацияларымен марапатталды.

Форумның екінші бөлімі мерекелік концертпен жалғасты.

«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ