«Көктал – Арасан» сауықтыру орталығына 105 бала аттанды
19 маусым күні білім және ғылым қызметкерлері кәсіподағы Талдықорған аумақтық ұйымы «Көктал-Арасан» емдеу-сауықтыру кешеніне кәсіподақ мүшелерінің балаларын шығарып салды.
Екінші аусым кезінде Ескелді, Қаратал, Кербұлақ, Көксу аудандары мен Талдықорған қаласының барлығы 105 жеткіншек аудандық, қалалық комитеттердің қолдауымен тегін жолдама бойынша демалады.
Панфилов ауданында орналасқан «Көктал Арасан» шипажайында балалардың ем қабылдап, денсаулықтарын түзетуге барлық жағдай жасалған. Дәрігердің нұсқауымен жасөспірімдерге радон ваннасы, массаж, емдік дене тәрбиесі сияқты ем түрлері ұсынылды.
Шығарып салу кезінде Талдықорған аумақтық ұйымының төрағасы Садық Әбдіқадыров оқушыларға сәт-сапар тіледі.
Айта кететіні, бірінші ауысымда, яғни 3-13 маусым аралығында сауықтырылған 102 бала жазиралы Жаркент өңірінің көрнекті жерлеріне саяхат жасап, жақсы көңіл-күймен қайтты, ал ата-аналар өз ризашылықтарын білдірді.
Білім және ғылым
қызметкерлері кәсіптік одағы
Талдықорған аумақтық ұйымының
баспасөз қызметі
-
Фото
-
