КӘСІПОДАҚТЫҢ БАТЫС ҚАЗАҚСТАН ОБЛЫСТЫҚ ҰЙЫМЫНЫҢ АТҚАРУ КОМИТЕТІНІҢ ОТЫРЫСЫ ӨТТІ
Қазақстандық салалық білім және ғылым қызметкерлері кәсіподағының Батыс Қазақстан облыстық ұйымының Атқару комитетінің кезекті отырысы кәсіподақ төрағасы Марат Даупаевтың төрағалығымен өтті. Мәжіліске Атқару комитетінің мүшелері, облыстық білім және ғылым қызметкерлері кәсіподақ аппаратының бас мамандары қатысты.
Күн тәртібінде 2018 – 2020 жылдарға арналған әлеуметтік әріптестік келісім туралы салалық және облыстық үшжақты келісімдер, толықтай шешімі табылмаған ауылдық жерде тұратын және жұмыс жасайтын педагог қызметкерлерді жергілікті бюджет қаражаты есебінен отын алуға шығыстарды өтеуге және коммуналдық қызметке өтемақымен қамтамасыз ету мәселелері, білім қызметкерлерін міндетті мерзімді медициналық тексеруді қаржыландыру мәселелерінің орындалуы туралы, кәсіподақ ұйымдарымен «Еңбек шартын жасаңыздар!» республикалық акциясының өткізілуі туралы мәселелер қаралды.
Атқару комитетінің мүшелері қойылған меселерді белсенді талқылап, өз ой – пікірлерімен бөлісті.
Жиын соңында Атқару комитеті Қаулы қабылдап, оған сәйкес барлық аудандық және қалалық кәсіподақ ұйымдарын 2018 – 2020 жылдарға арналған салалық келісім ережелерімен таныстыру туралы ақпараттандыру және осы келісім негізінде ұжымдық шарттардың орындалуы, «Ауылдық жерде тұратын және жұмыс жасайтын педагог қызметкерлерді жергілікті бюджет қаражаты есебінен отын алуға шығыстарды өтеуге және коммуналдық қызметке өтемақымен қамтамасыз ету, сонымен қатар, білім қызметкерлерін міндетті мерзімді медициналық тексеруді қаржыландыру» мәселелерін әлеуметтік әріптестік туралы үш жақты комиссия отырысында қарау, Кәсіподақтың және Батыс Қазақстан облыстық Еңбек инпекциясы бойынша басқармасымен келісіліп, облыс әкімдігімен бекітілген «Еңбек шартын жасаңыздар!» республикалық акциясын өткізудің іс – шаралар жоспарлары бойынша еңбек қатынастарын заңдастыру тәртібі туралы ақпараттық – түсіндіру жұмыстарын жүргізу және акция негізінде Батыс Қазақстан облыстық кәсіподақ саласының білім беру мекемелерінде қоғамдық бақылауды жүзеге асыру кестесі бойынша жұмыс берушілер тарапынан еңбек заңнамасының сақталуына (соның ішінде еңбек шартының жасалуына) және ұжымдық шарттардың орындалуына бақылау шараларын ұйымдастыру туралы, сондай ақ, кәсіподақ ұйымдары құрылмаған білім беру мекемелері ұжымдарында кәсіподақ мүшелігіне ынталандыру жөніндегі жұмыстарды жалғастыру жөнінде тапсырмалар мен міндеттер жүктелді.
Батыс Қазақстан облыстық білім және
ғылым қызметкерлерінің кәсіподағы
-
Фото
-
