ЕҢБЕК АДАМЫМЕН КЕЗДЕСУ
Аға буын өкілдері мен жастар арасында байланыс орнату, ұрпақтар сабақтастығын жалғастыру, жастарды еңбекке баулу мақсатында кәсіподақтар күніне орай Тараз химия-технологиялық колледжінде «Казфосфат» АҚ Жаңа Жамбыл фосфор зауытының №18 цех басшысының орынбасары Абдрахман Амансарұлы Абкеевпен кездесу өтті.
Колледждің «Бақылау және өлшеу аспаптарының слесарі» мамандығының студенттері қатысқан жиында Абдрахман Амансарұлы өзінің еңбек жолын слесарь болып бастағанын, өз кәсібінің қыр-сырын, еңбек жолында жеткен жетістіктерін сөз етіп, ерінбей еңбектенудің арқасында ғана жетістікке жетуге болатынын өскелең ұрпаққа баяндап берді. Еліміздің индустрияландыру саласын дамытуда жасалынып жатқан жұмыстарға тоқталып, өзінің еңбек жолы мен жетістіктерге жету жолындағы тәжірибесімен бөлісті, басынан өткен қызықты оқиғаларын баяндады. Болашақ мамандарды білімдерін шыңдауда аянбай еңбек етуге шақырды. Студенттердің сұрақтарына жауап беріп, қазіргі кезде осы НДФЗ зауытында еңбектеніп жүрген колледж түлектері Бексұлтан Темірланұлы мен Николай Гуселетовтан үлгі алуға шақырды.
Есен ДҮЙСЕНБЕКОВ, ТХТК-ның аға шебері,ЖАМБЫЛ облысы
