Аумақтық ұйымдардың жаңалықтары

Ағымдағы жылдың 9 – маусым күні Кәсіподақтар күнін атап өту апталығына байланысты «Евразия» спорттық – сауықтыру кешенінде салалық кәсіподақтар арасында ертеңгілік сағат 09:00-дан кешкі 19:00-ге дейін спорттық – ойынсауық іс – шарасы ұйымдастырылды.
Қазақстан Республикасының Кәсіподақтар Федерациясының төраға орынбасары Марат Тоқжанов құттықтау сөз сөйледі. Салалық кәсіподақ төрағалары белсенді кәсіподақ мүшелерін марапаттап облыстық кәсіподақ тарапынан құрмет грамоталарын табыстады.
Батыс Қазақстан облыстық білім және ғылым қызметкерлерінің кәсіподақ төрағасы Марат Даупаев білім беру жүйесіндегі адал еңбегі мен кәсіподақ қозғалысының дамуына атсалысқан белсенді кәсіподақ төрағаларына құрмет грамотасы мен ақшалай сыйақы және гүл шоқтарын ұсынды. Ал, салауатты өмір салтын насихаттауға зор үлес қосқан бірқатар жастарды құрмет грамоталарымен марапаттады.
Кәсіподақтар күніне орай, концерттік бағдарламамен басталған көпшілік іс - шара ерлер мен әйелдер арасындағы волейбол және асық ату, арқан тартыс ұлттық ойындарымен жалғасты. Жарыс қорытындысы бойынша Батыс Қазақстан облыстық білім және ғылым қызметкерлері кәсіподағының ерлер және әйелдер волейбол командалары жеңіске жетіп, І орынды жеңіп алды. Оларға ақшалай сыйақы беріліп, кубоктар және дипломдар табыс етілді.
Кәсіподақ жастары арасындағы Жастар Кеңесінің белсенді кәсіподақ мүшелері және жарысқа қатысқан ерлер волейбол құрама командасының мүшелері: Тайшыбаев Жарқын (№ 14 мектеп), Сериккалиев Ермек (№ 21 мектеп), Есенгалиев Жастілек (№ 14 мектеп), Мырзагалиев Ерғали (Теректі ауданы), Байлауов Болат (№ 37 мектеп), Сапарғали Абзал (Теректі ауданы); қыздар волейбол құрама командасының мүшелері: Жумалиева Айдана (№ 39 «Салтанат» бөбекжайы), Куспанова Надежда (Зеленов ауданы), Сарбаева Назгуль (№ 14 мектеп), Кусаинова Лунара (№ 20 мектеп), Сабиева Гаухар (№ 47 мектеп), Жексенова Индира (№ 20 мектеп), Сабиева Айсаулеге (Ж.Досмұхамедов атындағы педагогикалық колледжі) белсенділік танытқандары үшін алғыс білдірілді.
Батыс Қазақстан облыстық кәсіподағына қарасты барлық аудандық, қалалық бастауыш кәсіподақ ұйымдарында «Кәсіподақтар күні» кең көлемде аталып, кәсіподақ мүшелері мен Жастар Кеңесінің мүшелері белсенді қатысты. Өткізілген шаралар бұқаралық ақпарат құралдарында жариялануы бойынша дайджест жасалды.
Бүгінгі шараға білім және ғылым қызметкерлері кәсіподағының аудандық, қалалық бастауыш кәсіподақ ұйымдарының 150-ге жуық кәсіподақ мүшелері қатысты.

Батыс Қазақстан облыстық білім және
ғылым қызметкерлерінің кәсіподағы