ЕҢБЕК АДАМЫ ҮШІН МАҢЫЗДЫ МЕРЕКЕ
Қазақстан кәсіподақтары күні мерекесіне орай Кәсіподақтың Жамбыл облыстық ұйымы Жамбыл аудандық комитетіне қарасты барлық бастауыш ұйымдарда мерекелік іс-шаралар өтті. Соның бірі, Шайқорық орта мектебінде еңбек адамының беделін өсіру мен еңбек өнімділігін арттыру мәселесі сөз болған дөңгелек үстел отырысы.
Кәсіподақ ардагерлері мен зейнеткер ұстаздар, мектеп ұжымы қатысқан жиынды бастауыш кәсіподақ ұйымының төрайымы Н.Сапарбаева ашып, барша қызметкерлерді айтулы мерекемен құттықтады. Келесі болып сөз алған мекеме басшысы А.Джатканбаева өткізіліп жатқан іс-шараның маңыздылығына тоқталып, өз пікірімен бөлісті.
- Бұл күн тек сала мамандары үшін ғана емес, барша еңбек адамы үшін маңызды мереке. Егер ұжымда тұрақтылық болып, еңбек дауларына, жанжалдарға жол берілмесе жұмысшылар да өнімді еңбек етеді. Оқу жылында үлкен жетістікке жеткен ұстаздар біздің мақтаныштарымыз. Біз сол әріптестерімізді жас мамандарға үлгі етіп, сондай болуға ұмтылдыруымыз қажет деді, - А.Джатканбаева.
Дөңгелек үстел барысында кәсіподақ мүшелерін сауықтыру мәселесі, жұмыс орнындағы қауіпсіздік, саламатты өмір салты туралы ойларымен бөліскен ұжым мүшелерінің үздіктері түрлі марапаттарға ие болды.
Перизат БАҚЫТ
-
Фото
-
