Талдықорғанда Қазақстан Республикасының кәсіподақтары күніне орай сала қызметкерлері арасында «Туризм -2018» жарысы өтуде
12 маусым күні білім және ғылым қызметкерлері кәсіптік одағы Талдықорған аумақтық ұйымы және Алматы облысының туризм басқармасының ұйымдастыруымен «Туризм-2018» спорттық жарыстың ашылу салтанаты өтті.
Салтанатты шараға аумақтық кәсіподақтар орталығының төрағасы Әсет Қыдырманов, әлеуметтік әріптес, облыстық білім басқармасы басшысының орынбасары Жаңыл Сүлейменова, облыстық туризм басқармасының бөлім басшысы Бақытжан Оразбаев және өзге де салалық кәсіподақ ұйымдарының төрағалары қатысты.
Білім және ғылым қызметкерлері кәсіподағы Талдықорған аумақтық ұйымының төрағасы Садық Әбдіқадыров жарыстың ашылу салтанатына байланысты құттықтау сөз сөйлеп, қатысушыларға сәттілік тіледі. «Кәсіподақ ұйымы ұстаздар мен балалардың денсаулығын нығайту мәселесін басты басымдық деп есептейді. Кәсіби мерекеге орай тұңғыш рет біздің кәсіподақ ұйымы ұстаздар арасында «Туризм-2018» жарысын өткізуде. Мақсатымыз - сала қызметкерлері арасында салауатты өмір салтын насихаттау, спорттық туризмді дамыту, командалар арасында достықты нығайту», - деді өз сөзінде Садық Нұрсапаұлы.
Ашылу салтанатынан соң жеребе бойынша командалар спорттағы белсенділіктерін сын таразысына салды. Түрлі кедергілерді бағындыру, карта және компаспен жұмыс жасау, тауға арқанмен өрмелеп шығу, шұғыл медициналық көмек көрсетусияқты сындардан өтіп, шеберліктерін көрсетті.
Спорттық туризмді дамытуға арналған бұл жарысқа 8 аудан, 2 қала және облыс орталығындағы 2 білім шаңырағында еңбек ететін, барлығы 200 - қа тарта білім қызметкері қатысып, спорттағы ептіліктері мен белсенділіктерін танытуда.
Ертең, яғни 13 маусым күні қатысушылар арасында дала асханасының ас мәзірін әзірлеуден, «Фотосуреттер», «Қабырға газеті» байқаулары өтеді және үшкүндік жарыстың қорытындысы шығарылады. Жүлдегер командалар арнайы дипломмен және ақшалай сыйлықтармен марапатталады.
Білім және ғылым
қызметкерлері кәсіптік одағы
Талдықорған аумақтық ұйымының
баспасөз қызметі
-
Фото
-
