Павлодар облысы Качир ауданы 2018 жылғы Қазақстанның кәсіподақтары күнін атап өтуде
Павлодар облысы Качир ауданы білім қызметкерлері кәсіподақ филиалының күнтізбелік жоспарына сәйкес Қазақстан Республикасының кәсіподақтары күніне орай көптеген іс-шаралар ұйымдастырылды.
2018 жылғы 5 маусымда Тереңкөл ауылы Қ.Оспанова ат. №3 орта мектебінде Кәсіподақ күніне арналған «Бірге біз – күшпіз!» атты форум өтті. Аталған іс-шараға педагогикалық еңбек ардагерлері, кәсіподақ ұйымдарының ардагерлері, аудандық білім беру бөлімі, Качир ауданы білім беру ұйымдарының басшылары, кәсіподақ белсенділері қатысты.
Алғы сөз білім беру бөлімінің бас маманы Г. Аятоваға берілді, Качир аудандық білім қызметкерлерінің кәсіподақұйымының төрайымы А.Арынова «Жаңғырудың тренді – кәсіподақ өркендеуі» тақырыбы бойынша сөз сөйледі.
Аудандық жастар кеңесінің төрағасы, Қ.Оспанова ат. №3 ЖОББМ мұғалімі С.Рыспеков «Жас мамандар кеңесі қызметінің негізгі бағыты» тақырыбында ақпаратпен бөлісті. Сонымен қатар форум қатысушыларына «Кәсіподақпен біз – күшпіз!» атты бейнеролик ұсынылды. Бұл роликте Павлодар облысы білім беру ұйымдары кәсіподағы жастар Кеңесінің негізгі бағыттары мен жұмыстары көрсетілген.
Жемісті, адал еңбегі және қоғамдық жұмыстарда белсенділік танытқаны үшін кәсіподақ мүшелеріне Қазақстандық салалық білім және ғылым қызметкерлері кәсіптік одағының Павлодар облыстық ұйымының Құрмет грамоталарымен марапатталды. Олар: Ю.Михайлов – еңбекті қорғау бойынша техникалық инспектор, А.Бекбулатова – музыкалық мектептің кәсіподақ ұйымының төрайымы, А.Сорокин – А.Елгин ат. №1 ЖОББМ директордың тәрбие жөніндегі орынбасары, А.Кусмиденов – Ынталы негізгі мектебінің кәсіподақ ұйым төрағасы. Ал Качир ауданының кәсіподақ ұйымы белсенділері аудандық грамоталармен марапатталды.
Іс-шара жоспарына сәйкес, ең үздік плакат және ұран бойынша байқау қорытындысы шығарылды.
Әділқазылар алқасы шешімі бойынша екі ІІІ орын берілді:
«Ақ бота» сәбилер бақшасы, И. Кабылденова – ІІІ орын;
Качир балалар үйі, Н.Исмаилова – ІІІ орын.
ІІ дәрежелі дипломмен Байқоныс ЖОББМ, Р.Алимбаева және Трофимовка ЖОББМ, М.Токебаева марапатталды.
І орынды А.Текенов ат. №2 ЖОББМ, Л.Пуленко, Д.Орынбаев иеленсе, Бас жүлдені Оқушылар үйінің педагогі О.Баубекова алды.
Барлық жеңімпаздар мен жүлдегерлер дипломдармен және бағалы сыйлықтармен марапатталды.
Концерттік бағдарламада музыкалық мектеп қызметкерлері мен аудан мектептері, Оқушылар үйінің балалары ат салысты.
Павлодар облысы Качир ауданы кәсіподақ ұйымы
филиалының төрайымы А.Арынова
-
Фото
-
