Төл мереке атап өтілді
9 маусым күні қашан да жаңашыл істерімен көпшілік құрметіне ие болып жүретін Жаңақорған аудандық білім саласы қызметкерлерінің кәсіподақ комитетінің ұйымдастыруымен Кәсіподақ күні ауқымды көлемде атап өтілді. Мәдени іс-шараны ұйымдастырушылардың бұл шараны мазмұнды етіп өткізуді мақсат еткені екі бөлімнен тұратын іс-шараның өн бойынан байқалып-ақ тұрды. Бірінші бөлімде аудандық білім саласы кәсіподақ комитетінің төрағасы Елшібек Меңлібекұлы Сатершинов бастауыш кәсіподақ комитетінің төрағалары мен төрайымдарын кәсіптік мерекемен құттықтап,алдағы уақытта істеріне сәттілік тіледі және де өз міндеттерін абыроймен атқарып, кәсіподақ жұмысының өз дәрежесінде жүруіне атсалысып жүрген бір топ бастауыш кәсіподақ белсенділерін облыстық,аудандық білім саласы кәсіподақ комитеттерінің Алғыс хаттарымен, Құрмет грамоталарымен марапаттап, гүл шоқтарын сыйлады. Екінші бөлімде кәсіподақ мүшелері өз өнерлерін ортаға салып,мерекеге ән мен жырдан шашу шашты. Іс-шара соңында бастауыш кәсіподақ комитетінің төрағалары Ә.Сарсенбаев, Л.Дүйсенбекова, М.Якубов,кәсіподақ белсендісі А.Қалдыбаева шараны ұйымдастырушылар аудандық білім саласы кәсіподақ комитетінің төрағасы Е.Сатершинов пен маман Аягөз Әшімге алғыстарын білдірді.
Айсұлу Пазылова, Жаңақорған ауданы
-
Фото
-
