Жаңарту жолында
2018 жылдың 8 маусымында Қазақстанның Кәсіподақтар күні қарсаңында Павлодар облысының 80 жылдығына арналған Павлодар қаласының білім беру ұйымдары кәсіподақ ұйымдарының көшбасшыларының «Жаңарту жолдары: Кәсіподақ ұйымын дамыту перспективалары» қалалық форумы өтті. Кәсіподақ белсенділері, кәсіподақ қозғалысының ардагерлері, әлеуметтік әріптестер «Рухани жаңғыру» бағдарламасын жүзеге асыру бойынша жұмыстарды талдады.
Форум барсында Павлодар облысы білім мен ғылым қызметкерлері кәсіподағы өңірлік ұйымының төрайымы Г.Ә.Наурызбаева мерекемен құттықтай отырып, әріптестеріне кәсіподақтар туралы қоғамдық оң пікір қалыптастыруға, ірі әлеуметтік маңызды жобаларды бастауға, жастарды кәсіподақ қызметкерлерінің резерві ретінде белсенді түрде тартуға шақырды.
Қалалық кәсіподақ ұйымының төрайымы С.Ш.Сеитова өз сөзінде кәсіподақ көшбасшылары сала қызметкерлерінің мүдделері мен еңбек және әлеуметтік құқықтарын қорғау, кәсіподақ ұйымдарының тиімді жұмыс істеуі және салалық кәсіподақтың оң имиджін қалыптастыру бойынша белсенді жұмыс істеуі үшін әлеуметтік әріптестермен сындарлы диалог жүргізу мүмкіндігін атап өтті.
Ағымдағы жылы қалалық кәсіподақ ұйымы көшбасшылық қасиеттерді дамыту, микроклиматты жақсарту және сапалы білім беру мәселелерін шешу үшін педагогикалық ұжымдарда қызметкерлерді біріктіру үшін «Team Building» ауқымды кәсіподақтық жобаны жүзеге асырады. Аталмыш жобаны жүзеге асыру бойынша №28 ЖОББМ-нің бастауыш кәсіподақ ұйымының төрайымы Полозюкова Алена Владимировна өз тәжірибесімен бөлісті.
Қалалық Жастар кеңесінің төрайымы Сулейменова Рымкеш өз сөзінде әрбір жас мұғалім кәсіподақ ұйымының өмір ырғағына бірден қосылып, одақтың жоғары имиджін көрсететін бастаманы қабылдады және кейінгі буын өкілдерін тәрбиелеуге қолдау көрсеткені үшін алғыс білдірді.
Қазақстанның Кәсіподақтар күні құрметіне 24 үздік көшбасшы және әлеуметтік әріптестер мен кәсіподақ белсенділері марапатталды, оның ішінде кәсіподақ ұйымдарының 12 жылдан астам уақыт жұмыс істеп, кәсiподақ қозғалысының дамуына үлкен үлес қосқан төрайымдар А.Б. Полозюкова, З.Баилдинова, Т.П.Стадникова Қазақстандық салалық білім және ғылым қызметкерлері кәсіподағының "Білім және ғылым қызметкерлері кәсіподағына сіңірген еңбегі үшін" төсбелгілермен мараптатталды.
Қатысушыларды қолдай отырып, Павлодар қаласының №16 орта мектептің бастауыш кәсіподақ ұйымының төрайымы Б.Б.Бакановаға Жерорта теңізінің жағалауына тегін жолдама берілді.
Форум қатысушыларына Павлодар қаласындағы №29 орта мектептің бастауыш кәсіподақ ұйымының төрайымы В.Г.Хуако ән арнады.
Мерекелік кездесу Қазақстан кәсіподақтарының әнұранымен аяқталды.
Купесова А.Б. – Павлодар қалалық
білім қызметкерлерінің кәсіподақ бюро мүшесі
-
Фото
-
