Қызылордалықтар марафонға шықты
Қызылорда қаласы, Сыр өңірінің белсенді кəсіподақ ұйымдары "Кəсіподақтар күні " мерекесін мəдени, спорттық іс- шаралармен атап өтуді жалғастыруда. Салауатты өмір салтын насихаттау мақсатында облыстық кəсіподақ комитетінің ұйымдастыруымен спорттық марафон өтті. Марафонға білім саласының қызметкерлері, жастар ұйымы, кəсіподақ көшбасшылары белсенділік танытты.
Сыр жағалауындағы көңілді флешмоб пен мерекелік құттықтаулар жеңімпаздарды ұлықтау рəсіміне ұласты. Марафон мəресіне жеткен кəсіподақ белсенділерінің ішінен топ жарып қыздар арасынан І орынды Садуақасова Сауле, ІІ орынды Даниярова Мереке, ІІІ орынды Омарова Малика иеленсе , ұлдар арасынан І орын Айтбай Хангельдин, ІІ орынды Тұраш Еркін, ІІІ орынды Келімбетов Жасұлан иеленіп арнайы дипломдар мен бағалы сыйлықтармен марапатталды.
Шараны облыстық кəсіподақ комитетінің төрайымы Р.М.Байназарова қорытындылады.
Қызылорда облысы
-
Фото
-
