Аумақтық ұйымдардың жаңалықтары

Қызылорда облысы, Сырдария ауданының №35 Иса Тоқтыбаев атындағы мектеп-лицейінде «Кәсіподақ: жаңғыру мен жаңару жолында» атты білім қызметкерлері кәсіподағының облыстық мерекелік шарасы өтті.
Шараның мақсаты бастауыш кәсіподақ ұйымдарының жұмысын жаңғырту, кәсіподақ ұйымдарының әдістемелік кабинеттерінің жұмысын жандандыру, кәсіподақтың басым бағыттарының бірі әлеуметтік әріптестікті дамыту, кәсіподақ жұмысына жастарды тарту болып табылады. Мерекелік шараға облыстың кәсіподақтар бірлестігінің төрағасы Сермағанбетов Серік Сағитжанұлы, білім және ғылым қызметкерлері кәсіподағының төрайымы, облыстық мәслихаттың депутаты Байназарова Райкүл Мансурқызы, Сырдария аудандық білім бөлімінің басшысы Суюбаева Баян Орынбекқызы және аудандық кәсіподақ комитеттерінің төрағалары, баспасөз өкілдері және бастауыш кәсіподақ ұйымының жетекшілері қатысты.
Аталған әдістемелік шараға аудандық кәсіподақ ұйымының әдістемелік кабинеті ашылып, атқарылған жұмыстармен аудандық кәсіподақ комитетінің төрағасы Алмас Зейноллаұлы мен бастауыш кәсіподақ ұйымының төрайымы Жанна Есентұрқызы таныстырып, әдістемелік кабинеттің жұмысының тиімділігін атап өтті. Әлеуметтік әріптестікті қолдау барысында аудандық білім бөлімі мен аудандық кәсіподақ комитеті арасында 2018-2020 жылдарға арналған салалық келісімге қол қойды. Аудандық білім бөлімінің басшысы Суюбаева Баян Орынбекқызы салалық келісімдегі тараптардың міндеттемелеріне тоқталып, ондағы сала қызметкерлеріне еңбегіне төленетін қосымша төлемақылар жайлы атап өтті.Сонымен қатар 2016-2017 оқу жылында үздік нәтижеге қол жеткізген ұстаздардың еңбегін көтермелеу мақсатында жасалған іс –шараларға тоқталды. білім және ғылым қызметкерлері кәсіподағының облыстық комитетінің төрайымы, облыстық мәслихаттың депутаты Байназарова Райкүл Мансурқызы білім қызметкерлерінің еңбек етулеріне қолайлы жағдай жасап, еңбек қатынастарының заң аясында реттелуіне ықпал етіп жүрген №35 И.Тоқтыбаев атындағы мектеп-лицейін /мектеп директоры Б.Бақбергенова, бастауыш кәсіподақ ұйымының төрайымы Сәркеева Ж/, және №131 Талғат Қозыбаев атындағы орта мектебін /мектеп директоры Л. Палымбетова, бастауыш кәсіподақ ұйымының төрайымы Сәркеева Ж/ «Үздік әлеуметтік әріптес» номинациясымен марапаттады.
Кәсіподақ жастар кеңесі мүшелерінің мерекелік шарасынан басталып, одан әрі шараға келген қонақтар мектеп-лицейіндегі «Рухани жаңғыру» кабинетінің жұмысымен танысты. Мерекелік шарада облыстық кәсіподақтар бірлестігінің төрағасы Сермағанбетов Серік Сағитжанұлы облыстық кәсіподақтар бірлестігінің Құрмет грамотасымен және білім және ғылым қызметкерлері кәсіподағының облыстық комитетінің төрайымы Байназарова Райкүл Мансурқызы 10 жылдан аса кәсіподақ саласында еңбек еткен бастауыш кәсіподақ ұйымының төрағаларын «Білім қызметкерлер кәсіподағына сіңірген еңбегі үшін» белгісімен марапаттады, сонымен қатар білім саласында қызмет етіп жүрген «Алтын алқалы» батыр аналарға «Таң Нұры» шипажайына жолдама табыстап, бірнеше кәсіподақ белсенділері құрмет грамотасымен марапатталды. Семинар соңында «Жалын» тынығу лагеріндегі ұйымдастырылып жатқан балалардың жазғы демалысын көріп, ондағы робототехника, қол өнер, бейнелеу өнері,тоқыма үйірмелерінің жұмыстарымен танысты.

«Қазақстандық салалық білім және ғылым қызметкерлері
кәсіптік одағының Қызылорда облыстық ұйымы» ҚБ
төрайым орынбасары Ескалиева Г.Б.