10 маусым – Кәсіподақтар күніне орай Талдықорғанда «Біздің күшіміз – бірлікте» атты мерекелік шара өтті
Бүгін «Алматы облысының кәсіподақ орталығы» аумақтық кәсіподақтар бірлестігінің ұйымдастыруымен 10 маусым – Қазақстан Республикасының кәсіподақтар күні мерекесі қарсаңында «Біздің күшіміз – бірлікте» атты салтанатты жиын өтті.
Аумақтық кәсіподақтар орталығының төрағасы, Алматы облыстық маслихатының депутаты Әсет Қыдырманов, Қазақстан Республикасы Кәсіподақтар федерациясының активтерді басқару дирекциясының бас директоры Қобыланды Мусин кәсіподақ белсенділерін құттықтады.
Сонымен қатар, сала ардагерлері, бастауыш кәсіподақ ұйымдарының төрағалары сөз алып, құттықтауларын жеткізді.
Жиын барысында кәсіподақ мүшелерінің еңбек және әлеуметтік құқықтарын қорғауда белсенділік танытып, кәсіподақ саласының дамуына зор үлес қосқан бірқатар азаматтар марапатталды.
Оның ішінде Сарқан ауданы шығармашылық үйінің мұғалімі Ахметқалиев Аманғали Сапанұлы Қазақстан Республикасы Кәсіподақтар Федерациясының «Кәсіподақтарға сіңірген еңбегі үшін» төсбелгісімен, білім және ғылым қызметкерлері кәсіподағы Талдықорған аумақтық ұйымының ардагері Жампейісов Ғизат Омарбекұлы Алматы облысы әкімінің Құрмет грамотасымен, білім және ғылым қызметкерлері кәсіподағы Талдықорған аумақтық ұйымының бас есепшісі Арымбаева Айгүл Ыбрайқызы аумақтық кәсіподақтар орталығының Құрмет грамотасымен марапатталды.
Соңынан концерттік бағдарлама ұсынылды. Мерекелік шараға білім және ғылым қызметкерлері кәсіподақ ұйымының 90 жуық белсендісі қатысты.
Білім және ғылым қызметкерлері кәсіптік одағы
Талдықорған аумақтық ұйымының баспасөз қызметі
-
Фото
-
