Аумақтық ұйымдардың жаңалықтары

Жаз айы ең әдемі де сыңғырлаған мереке – Балаларды қорғау күнімен басталады.

Бұл күн Павлодар қаласының балаларға арналған баспанасында қонақтарды көңілді күймен күтуден басталды. Олар бізге сүйкімді достары Пандамен келді. Тәрбиеленушілерге жиі келіп тұратын қаланың ұйымдары мен кәсіпорындар өкілдері, соның ішінде облыстық білім және ғылым қызметкерлері кәсіподағы өкілдері де бар. Олар ешқашан балалар мерекесін жіберіп алған емес, қамқорлық пен жылы алақанға зәру балаларға кішкене болса да аялы сезімдерін білдіруге асығады.

Баспананың тәрбиеленушілері мен педагогтары бұл мерекеге ерекше дайындалып, жаңа «Гиннесс-шоу» форматта өткізді. Балалар мен қонақтар түрлі «Почти спортивные рекорды», «Долгокричатель», «Наоднойногескакатель», «Киндерсюрприз», «Игрушкоискатель», «Карандашепальцедержатель», «Сюрпризодобыватель», «Рисуем лето» конкурстарына қызығушылықпен және көтеріңкі көңіл-күймен қатысты.

Баспананың тәрбиеленушілері арасында көптеген дарынды, түрлі номинацияларға лайық балалар бар: Саша Тимофеева - жыл әншісі, Руслан Кусаинов - үздік музыкант, Саша Васьков - тамаша суретші, Наиля Амирова - шығармашыл жан, Катя Саранчина - ақылды қыз, сондай-ақ Амина Загваздина - шебер колды, Кира Смахтина - ептілік деп танылды. Жеңімпаздардың аттары биыл алғашқы рет шығарылған «Баспананың рекордтар кітабына» енгізілді.

Бұл кітапқа балалардың достары «Жастарға үлгі», «Старый друг – лучше, лучше, лучше…», «Белсенді әжелер, «Настоящий верный друг», «Сладкая жизнь», «Білім бұлағы», «Вернисаж», «Всегда в позитиве», «Замечательный сосед», «Наши новые друзья» номианцияларына лайық демеушілік ұйымдардың өкілдері жазылды.

«Алтын жүрек» номинациясы өзінің қалауы бойынша 17 жыл бойы балалар мекемесіне қамқорлық жасап келе жатқан баспананың қамқоршылық кеңесінің төрайымы Гульфаз Кенжетаевна Аубановаға табысталды. Сол кісінің арқасында балалардың достары арасындағы ең көбі - медицина қызметкерлері. Салтанатты рәсімнен кейін, қонақтармен әңгімелесе отырып түйіп айтқаны, тәрбиеленушілер үшін ең маңыздысы жоғарғы буынмен қарым-қатынаста болу. Әлеуметтік орта -тұлғаның сапалық қалыптасуына мәдениет элементтерін, әлеуметтік нормалары мен құндылықтарын үйренуге жағдай туғызады. Баспананың қамқоршы кеңесі мен демеушілері тәрбиеленушілерді әлементтендіру бойынша іс-шараларды қолдап отырады. Соңғы екі жылда, мереке бағдарламасына балалардың қоғамдық орындарда тиісті дағдылар мен мінез-құлықтарын қалыптастыру үшін мейрамханада түскі ас енгізілді. Былтыр тәрбиеленушілер ЭКСПО-ға экскурсияға барды. Қамқоршылық кеңесінің төрайымы қонақтарды биыл да балаларға демеушілік сыйлық ретінде Астананың 20-жылдығына арналған мерекелік іс-шара қатысуды ұйымдастыруға шақырды.

Б.Г. Бейсенова – Білім және ғылым қызметкерлерікәсіподағының Павлодар облыстық ұйымының бас маманы,Балаларға арналған баспана Қамқоршылар кеңесінің мүшесі