КӘСІПОДАҚ ҮЙІРМЕСІНІҢ МОДЕРАТОРЛАРЫНА АРНАЛҒАН ОБЛЫСТЫҚ СЕМИНАР
Кәсіподақтар күні мерекесіне орай Қазақстандық салалық білім және ғылым қызметкерлері кәсіподағының Жамбыл облыстық ұйымы кәсіподақ үйірмелерінің модераторларына арналған облыстық семинар өткізді. Кәсіподақтың оқу орталығының ұйымдастыруымен өткен семинар «Әлеуметтік әріптестік актілері. Педагог қызметкерлерді аттестациялаудағы өзгерістер» тақырыбында өтті.
Кәсіподақ үйірмелерінің модераторларына заңнаманы егжей-тегжейлі құқықтық қызмет басшысы-бас инспектор Берік Баймағамбетов пен Кәсіподақтың Біріккен комитет төрағасы Жанболат Орынбеков түсіндірді. Олар модераторлармен біріге отырып «Әлеуметтік әріптестік. Ұжымдық шарт – сала өкілдерінің әлеуметтік-экономикалық құқықтары мен мүдделерін қорғау құралы» және «Педагог қызметкерлер мен оларға теңестірілген тұлғаларды аттестаттаудан өткізудегі өзгерістерді тәжірибеде қолдану» тақырыптарын талқылады.
Перизат БАҚЫТ
-
Фото
-
