Аумақтық ұйымдардың жаңалықтары

5 маусым жұлдызында Қазақтан Республикасы Кәсіподақтарының күні мерекесі аясында жоспарға сай, «Қазақстандық салалық білім және ғылым қызметкерлері Маңғыстау облыстық кәсіподақ ұйымы қоғамдық бірлестігінің» ұйымдастыруымен бір топ облыстық білім беру мекемелерінің бастауыш кәсіподақ ұйымдарының төрағалары мен қызметкерлері қатысқан мерекелік жиын өтті.

Жиында Облыстық кәсіподақ ұйымының төрайымы Т.Баймбетова жылдың қорытындысында саралай келе, кәсіподақ қозғалысында белсенділік көрсеткен кәсіподақ көшбасшыларын мерекемен құттықтай отырып, алдағы еңбектеріне табыс тіледі және ақшалай сыйлықтармен бірге «Қарғалы», «Сосновый бор» шипажайларына жолдамалар берілді.

6 маусым күні Н. Жантөрин атындағы музыкалық-драма театрының концерттік залында Маңғыстау Кәсіподақтар орталығының ұйымдастыруымен өңірдің салалық кәсіподақтарына арналған салтанатты мерекелік шара өткізілді.

Салтанатты жиын барысында, кәсіподақ ардагерлеріне, бір топ әлеуметтік әріптестер мен бастауыш кәсіподақ қызметкерлеріне «Құрмет грамоталар» және ақшалай марапттар мен гүл шоқтары тасбысталып, құрмет көрсетілді. Шарада Маңғыстау облысы әкімінің орынбасары, кәсіподақ ардагері, «Маңғыстау Кәсіподақтар орталығы» басшылары өз құттықтау сөздерін арнады.

Қазақстан Республикасы Кәсіподақтар Федерациясының «Кәсіподақтарға сіңірген еңбегі үшін» төсбелгісімен «Қазақстандық салалық білім және ғылым қызметкерлері Маңғыстау облыстық кәсіподақ ұйымы қоғамдық бірлестігінің» бас есепшісі көптен бері қызметтегі Инна Викторовна Муха және Маңғыстау гуманитарлық колледжінің бастауыш кәсіподақ ұйымының төрайымы Гүлнәр Галлиуллақызы Зиганшина «Құрмет грамотасымен» сонымен қатар Ақтау қалалық филиалының төрайымы Күнзира Еңсегенова мен Маңғыстау политехникалық колледжінің жастар кәсіподақ ұйымының, Облыстық кәсіподақ ұйымының «Болашақ» жастар кәсіподақ ұйымының төрайымы Алима Кұлшықова «Маңғыстау Кәсіподақтары орталығының «Құрмет грамотасымен» марапатталды.

7 маусым күні Кәсіподақтар мерекесіне арналған «Ең үздік кәсіподақ бұрышы» атты бастауыш кәсіподақ ұйымдарының облыстық сырттай байқауы ұйымдастырылып өткізілді.
Қазылар алқасы келіп түскен сұраныстарды саралап тексере отырып, ең үздік деп табылған кәсіподақ бұрыштарына орындарын белгіледі.
Нәтижесінде, 1 орын – Ақтау қаласы, №46 «Балбұлақ» бала бақшасы кәсіподақ ұйымы; 2 орын – Қарақия ауданының «Айгөлек» балабақшасы кәсіподақ ұйымы мен Мұнайлы ауданының №9 «Бәйтерек» балабақшасы кәсіподақ ұжымы; 3 орын - Ақтау қаласы, №6 орта мектептің бастауыш кәсіподақ ұжымдары арнайы дипломдармен және бағалы сыйлықтармен мараптталды.

«Қазақстандық салалық білім жәнеғылым қызметкерлері кәсіптік
одағының Маңғыстауоблыстық ұйымы» маманыА. Б. Аманиязова