Аумақтық ұйымдардың жаңалықтары

10 маусым Қазақстан кәсіподақтары күніне орай Ақтөбе облысы Шалқар аудандық білім қызметкерлері кəсіподағы ұйымының бастамасымен «Үздік көшбасшы – 2018» байқауы ұйымдастырылды. Байқауға аудандық білім мекемелерің бастауыш кәсіподақ ұйымдарының көшбасшылары сұраныс беріп, 9 үміткер байқаудың 3 кезеңі бойынша бақ сынады. Үміткерлер байқаудың 1-ші кезеңінде «Автопортрет» өзін-өзі таныстыру шарты бойынша таныстырып өтсе, 2-ші кезеңінде «Менің өнерім!» өз өнерлерін көрсетуден жан-жақтылық танытып, 3-ші кезеңінде «Іскерлік ойын», яғни қазылар алқасының тапсырмасы бойынша ситуациялық сұрақтарға ұтымды ойлары мен толыққанды жауаптарын айта білді. Байқаудың қатысушы үміткерлеріне қазылық етіп, әрі байқаудың қадірлі қонақтары ретінде қолдау білдірген облыстық кәсіподақ ұйымының заңгері А.Алимпиев, Шалқар аудандық №2 жасөспірімдер мектебінің басшысы – М.Құлтасбаев, аудандық білім бөлімінің бас маманы, бастауыш кәсіподақ ұйымының төрайымы Д.Ақмалай, аудандық әдістемелік құрылымдық бөлімше меңгерушісі А.Оспанова, аудандық кәсіподақ ұйымының төрайымы Г.Махат, аудандық кәсіподақ ұйымының бас есепшісі А.Үсенова, аудандық «Оқушылар сарайы» ММ-нің бастауыш кәсіподақ ұйымының төрайымы М.Жылтырова қазылық жасап, «Үздік көшбасшы – 2018» байқауының Гран-При иегерін, жүлделі орындар мен номинациялар иегерлерін анықтады. Қазылар алқасының шешімімен сайыскерлер төмендегідей жүлделерге ие болды: 3-орын иегерлері – «Нұртілек» бөбекжай-балабақшасынан А.Мұқышова, «№5 мектеп-лицей» КММ бастауыш кәсіподақ ұйымының төрайымы Г.Абжанова. Жүлделі 2-орын «Ә.Жангелдин атындағы ЖОББМ» КММ-нен З.Исакова мен «№3 ЖОББМ» КММ-нен С.Тулебергеновке бұйырды. 1-орынды «№2 мектеп-гимназия» КММ бастауыш кәсіподақ ұйымының төрайымы С.Майкупова жеңіп алса, «Үздік көшбасшы – 2018» номинациясы Гран-При иегері «І.Үргенішбаев атындағы ЖОББМ» КММ-нен Б.Қаратаева атанды. Марапаттармен бірге барлық қатысушыларға ақшалай сыйлықтар беріліп, жазғы еңбек демалысында шипажайда ем алуға берілген сертификаттармен толықты. Сонымен қатар Қазақстан Кәсіподақтары күніне орай ауданымыздағы білім саласының бастауыш кәсіподақ ұйымдарының көшбасшыларына жыл бойы атқарған жұмыстарына оң баға берілген Алғыс хаттар облыстық білім және ғылым қызметкерлері кәсіподағы ұйымы мен Шалқар аудандық кәсіподақ ұйымының атынан берілді.

«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ