Ескелді ауданында бақылау –тексеру комиссия төрағаларына арналған оқыту семинары өтті
Білім және ғылым қызметкерлері кәсіподағы Талдықорған аумақтық ұйымына қарасты Ескелді аудандық комитеті желілік кестеге сәйкес бастауыш ұйымдарындағы бақылау-тексеру комиссияларының төрағаларын оқытуға арналған семинар өткізді.
Шараның мақсаты – кәсіподақтардың ролін көтеру, комиссия жұмысын жандандыру. Семинар барысында бақылау-тексеру комиссияларының төрағаларына әдістемелік нұсқаулықтар, өзге де қажетті құжаттар көбейтіліп, таратылды. Ережеге сай ұйым бюджетін қалыптастыру, жарнаны мақсатты жұмсау, қаржылық құжаттарды толтыру рәсімдеу, қаржылық қызметке қатысты т.б қажетті ақпараттар берілді. Ш.Уәлиханов, Н.Алдабергенов, Т.Рүстембеков атындағы орта мектептеріндегі бақылау-тексеру комиссияларының төрағалары сөз алып, өз тәжірибелерімен бөлісті.
Білім және ғылым
қызметкерлері кәсіптік одағы
Талдықорған аумақтық ұйымының
баспасөз қызметі
-
Фото
-
