Ілияс Жансүгіров атындағы Жетісу мемлекеттік университетінде мерекелік іс-шара өтті
Бүгін 1 маусым- Балаларды қорғау күніне орай І.Жансүгіров атындағы Жетісу мемлекеттік университетінде кәсіподақ комитетінің ұйымдастыруымен оқытушы-профессорлар құрамының және қызметкерлердің балаларына арналған мерекелік іс-шара өтті.
Білім ордасының стадионында ұйымдастырылған мерекеде ұжым мүшелерін, балаларды кәсіподақ комитетінің төрағасы Ерлан Сейлханұлы және гуманитарлық факультетіндегі бастауыш кәсіподақ ұйымының төрайымы Ғалия Мұқанқызы құттықтап, көтеріңкі көңіл күй тіледі.
Шара барысында бүлдіршіндерге арналып мерекелік концерт қойылды, ақ серек пен көк серек, футбол, асфальтта сурет салу және т.б. ойындары ұйымдастырылды. Балалар топтарға бөлініп өзара жарысып, күш сынасты.
Соңыра жеңімпаздарға танымдық ойындар, кітаптар тапсырылды, тәтті балмұздақ үлестірілді. Ал ата-аналар ұйымдастырушыларға алғыстарын білдірді.
І.Жансүгіров атындағы Жетісу мемлекеттік университетінің кәсіподақ комитеті
-
Фото
-
