Талдықорғанда қамқоршылық кеңесінің мүшелері балаларды құттықтады
1 маусым - Халықаралық балаларды қорғау күніне орай Талдықорған қаласындағы «Айналайын» балалар үйінің қамқоршылық кеңесінің мүшелері «Бақытты балалық шақ» атты мерекелік шараға қатысты.
«Айналайын» балалар үйінің тәрбиеленушілері келген коңақтарды жарқын жүзбен қарсы алып, өздері дайындаған мерекелік концерттерін ұсынды. Театрланған қойылым қойып, билері мен әндерін орындады.
Мерекелік шара барысында білім және ғылым қызметкерлері кәсіподағы Талдықорған аумақтық ұйымының және қамқоршылық кеңесінің төрағасы Садық Әбдіқадыров, І.Жансүгіров атындағы Жетісу мемлекеттік университеті гуманитарлық факультетінің деканы Амангелді Толамисов, облыстық білім басқармасының бөлім басшысы Әлия Молотова құттықтап, балаларға зор денсаулық пен армандарының орындалуын тіледі.
«1 маусым - бұл ең жақсы және қуанышты мереке. Сол себептен бұл күннің жақсы өтіп, есте қалуына үлкендердің тигізетін ықпалы зор.Әр уақытта аспандарың ашық, дендерің сау болып, Отанымыздың мақтанышы болуларыңа тілектеспін! Армандарың орындала берсін, ал біз сендерді ылғи қолдауға әзірміз», - деді өз сөзінде Садық Нұрсапаұлы.
Соңынан кәсіподақ ұйымының басшысы жоғары сынып оқушылары және мектеп бітіруші түлектермен жүздесті. Пікір алмасу кезінде жастарғаақылкеңестерін айтып, өмірлік тәжірбиесімен бөлісті.
Білім және ғылым қызметкерлері
кәсіподағы Талдықорған аумақтық
ұйымының баспасөз қызметі
-
Фото
-
