«ҮЗДІК ЖҮРГІЗУШІ» БАЙҚАУЫ
Қазалы аудандық білім және ғылым қызметкерлері кәсіподақ комитеті жанынан құрылған "Серпін" жастар кеңесінің жоспарына сәйкес, Аудандық білім бөлімі мен аудандық білім және ғылым қызметкерлері кәсіподақ комитетінің қолдауымен 21 мамыр күні "Үздік жүргізушілер" байқауы өткізілді.
Мақсаты: жастарды тіл тазалығын сақтауға, ана тілін құрметтеуге баулу, тіл мәртебесін көтеру, сөйлеу мәдениетін дамыту, шығармашылық қабілеттерін арттыру. Байқауға ауданымыздың жалпы білім беру мекемелері мен балабақша ұжымдарының жас мамандары қатысып, өзара сынға түсті. Байқау барысында талапкерлердің сахнаға шығуы, жарасымды қимыл- қозғалысы, сөйлеу мәдениеті мен сахнаны меңгеруіне ерекше көңіл бөлінді. Байқаудың талаптарынан сүрінбей өткен байқау жеңімпаздары мен қатысушыларына аудандық білім және ғылым қызметкерлері кәсіподақ комитетінің арнайы марапаттары мен сыйлықтары табысталды.
Байқау қорытындысы бойынша Бас жүлдені №93 орта мектептің жас маманы Бақыт Назгүл иемденсе, І орынды №103 орта мектептің ағылшын пәні мұғалімі Ержігітова Жанат иемденді. Жүлделі ІІ орынға №25 мектептің орыс тілі пәні мұғалімі Жолбосинова Айман мен Қ. Сәтбаев атындағы №216 мектептің дене шынықтыру пәні мұғалімі Нарегеев Болатбек лайық деп танылып, ІІІ орынды «Алпамыс» бала бақшасының тәрбиешісі Тәңірбергенова Мерует пен Жанқожа батыр атындағы №70 мектептің дефектолог маманы Әлиеева Рабиға иеленді.
Қызылорда облысы, Қазалы аудандық кәсіподақ ұйымының төрағасы Ә.Раман
-
Фото
-
