Аумақтық ұйымдардың жаңалықтары

Ағымдағы жылдың 18 мамырында Атырау қаласында «Қазақстандық салалық білім және ғылым қызметкерлері кәсіптік одағының Атырау облыстық кәсіподақ ұйымы» қоғамдық бірлестігінің әлеуметтік әріптестік тараптарын еңбек заңнамасына оқытуға бағытталған семинар жұмысы болып өтті. Дәстүрлі семинарға филиал төрағалары, бақылау-тексеру комиссияларының мүшелері, аппарат қызметкерлері қатысты.
Семинарды «Қазақстандық салалық білім және ғылым қызметкерлері кәсіптік одағының Атырау облыстық кәсіподақ ұйымы» қоғамдық бірлестігі төрағасының міндетін атқарушы Жанар Сарсенгалиева ашып, бүгінгі күні еңбек заңнамасын білу маңызды болып отырғандықтан, дәстүрлі семинар ұйымдастырылғандығын жеткізді. Өйткені, кәсiподақ мүшелері арасында олардың құқықтық, оның ішінде Қазақстан Республикасының еңбек заңнамасының негіздері бойынша сауаттылығын арттыру, еңбек дауларында келіссөздер жүргізе алуды дамыту жөнінде түсіндіру жұмысын жүргізу кәсіподақтың міндеті болып табылады. Сонымен қатар, ҚР Еңбек кодексінің 159-бабының 8-тармағына сәйкес, келісу комиссиясының тараптары келісу комиссиясының мүшелерін Қазақстан Республикасы еңбек заңнамасының негіздеріне, келіссөздер жүргізу машығын дамытуға және еңбек дауларында консенсусқа жетуге жыл сайын оқытуды жүргізуге міндетті.
Семинар барысында ҚР Еңбек кодексі, 2018-2020 жылдарға арналған әлеуметтік әріптестік туралы салалық және өңірлік келісімдер туралы баяндаманы «Қазақстандық салалық білім және ғылым қызметкерлері кәсіптік одағының Атырау облыстық кәсіподақ ұйымы» қоғамдық бірлестігінің бас маманы, заңгер Юлия Амангелдіқызы Айбусынова жасады. «Қазақстандық салалық білім және ғылым қызметкерлерінің кәсіптік одағы» ҚБ–гі есептік саясаты туралы баяндама жасау үшін сөз «Қазақстандық салалық білім және ғылым қызметкерлері кәсіптік одағының Атырау облыстық кәсіподақ ұйымы» ҚБ-нің ревизиялық комомиссия мүшесі Зоя Жауметбайқызы Назароваға берілді.
Дәстүрлі оқыту семинары барысында қатысушылар тарапынан өзекті сауалдар қойылып, жауабы жеткілікті деңгейді талқыланды. Мұндай семинарлар сұранысқа ие болғандықтан, алдағы уақытта да жалғасын таба бермек.

Орынгүл МАХМУДОВА